Moreish & Malt (蕪湖街) (Closed)

尼排工作壓力非常大，所以好朋友決定帶我去食好野。佢揀左係紅磡SAV酒店入面既西餐廳-Moreish＆Malt，餐廳環境都幾雅緻，燈光微暗。雖然服務員全都是外籍人士，但唔駛擔心溝通唔到，佢地識少少中文，人又nice，好識搞氣氛，所以成餐飯都食得好開心好relax！首先我地order左兩杯特飲🍹分別係香茅檸檬梳打、菠蘿蜜桃檸檬沙冰，飲落口好fresh，好冰涼。果醋凍尤魚沙律甜中帶微酸既醬汁，配上爽脆既蔬菜🥗，既淸新又開胃，令人食指大動。美國肉眼扒配羽衣甘藍碎果仁今次我地order 左7成熟既燒美國肉眼扒微微既焦香而牛味香濃，肉質鮮嫩多汁，鍾意味濃既人可以加入調味醬一齊食，但個人認為用少少鹽同香草已經好好味。甜品拼盤分別有香滑既豆腐芝士餅🍮，香純特濃朱古力芝士餅，甜而不膩既蜜糖合桃芭菲🍨，但略嚴合桃碎太多，食落口有少少乾，食完個甜品真係覺得好滿足。