Tom N Toms Coffee (Closed)

嗰日同個朋友去the one 睇戲，未夠鐘開場所以走咗去搵嘢飲，咁啱我朋友又話想食啲嘢，咁就去咗tom n toms食啲嘢。因為我朋友箍緊牙所以佢想叫咗個湯飲，佢叫個忌廉蘆筍湯，點知個員工同佢講要等45分鐘。45分鐘? Fine dining restaurant 都唔使等咁耐啦! 其實你唔想做可以話賣晒，好過講啲唔合邏輯嘅嘢囉! OK我哋等！結果20分鐘碗湯就到喇！吓？‘西蘭花生粉水’？究竟知唔知咩係忌廉湯? 佢叫咗忌廉蘆筍湯點解會係西蘭花呢？商品與實物不符係咪可以告佢㗎？所以以後都唔會再幫襯佢！