Video
Read full review
2017-10-30
2197 views
對「紅蔥頭」嘅印象喺普普通通嘅感覺，小弟就定佢為裝修花心思啲嘅港式西餐廳。始創中心店都曾經幫襯過，不過，都喺多年前嘅事，今次都喺嚟到食晏時間，言不由衷咁跟大隊，其實都知呢間餐廳去到咩水平。對照番上一次嘅食評，原來事隔都成5年，環境、格局都無變。老實講，晌呢個年代，一家餐廳做得三幾年唔執，算喺有啲成績，亦表明差極有個譜。翻翻餐牌睇睇有咩好食，「廚師推介午餐」有4款選擇，包是日餐湯、蒜蓉法包同餐飲，由$52-$57；另外有一組「假日特餐」，選擇較多共13款，卻只喺包餐飲，由$49-$55，不過，就可以升級加$6配多餐湯及蒜蓉法包；仲有一組「亞洲風情套餐」，賣$46-$55，但點睇都睇唔出有咩亞洲風情，因為款式喺啲煎蛋免治牛肉飯、古法梅菜扣肉飯……等等。依度落單喺由客人畫紙仔，睇落都算簡單易明。由於有啲餐已包餐湯及法包，有啲就要加錢先有，有啲客唔留心亂剔，就會好易亂，但侍應都會走嚟跟客人確認一下。羅宋湯及蒜蓉法包小弟個餐無跟湯及包，亦唔打算升級，而友人話都喺大概茶記質素，無驚喜，亦唔叫差咁囉。香草忌廉龍脷柳飯 $51友人讚佢個香草忌廉汁做得幾好，既幼滑，又有香草香，最好就哋份量多撈飯一流，而
對照番上一次嘅食評，原來事隔都成5年，環境、格局都無變。老實講，晌呢個年代，一家餐廳做得三幾年唔執，算喺有啲成績，亦表明差極有個譜。
翻翻餐牌睇睇有咩好食，「廚師推介午餐」有4款選擇，包是日餐湯、蒜蓉法包同餐飲，由$52-$57；
另外有一組「假日特餐」，選擇較多共13款，卻只喺包餐飲，由$49-$55，不過，就可以升級加$6配多餐湯及蒜蓉法包；
仲有一組「亞洲風情套餐」，賣$46-$55，但點睇都睇唔出有咩亞洲風情，因為款式喺啲煎蛋免治牛肉飯、古法梅菜扣肉飯……等等。
依度落單喺由客人畫紙仔，睇落都算簡單易明。由於有啲餐已包餐湯及法包，有啲就要加錢先有，有啲客唔留心亂剔，就會好易亂，但侍應都會走嚟跟客人確認一下。
羅宋湯及蒜蓉法包小弟個餐無跟湯及包，亦唔打算升級，而友人話都喺大概茶記質素，無驚喜，亦唔叫差咁囉。
香草忌廉龍脷柳飯 $51友人讚佢個香草忌廉汁做得幾好，既幼滑，又有香草香，最好就哋份量多撈飯一流，而龍脷柳都預咗喺雪藏貨，但無乜雪味之餘，又煎得幾香口，都收貨架喇 。
板煎豬扒、雞翼、腸仔、煎蛋飯 $50簡單嚟講，就即喺雜扒飯，雖然都喺啲普通食材，但叫做餸料多，份量大，朋友本身要求唔高，所以，咁大堆頭嘅碟頭飯已食得佢好滿足。
特濃芝士焗鮮茄豬扒配蛋炒飯 $50眾多選擇中，焗飯就較喺心水，即點即焗，因為都等咗幾耐先上枱。特濃芝士又誇張咗啲，蕃茄汁底都算酸香鮮活，炒飯OK啦，唔算炒得均勻，但叫做夠爽口；豬扒比較細件，還好嘅喺幾鬆化，如果加多啲菠蘿就更啱我啦。
即磨咖啡最穩膽嘅都喺點杯即磨咖啡就算，港式出品，味道方面，不過不失咁啦。
有時候，一班人食飯，都未必志在食咩嘢，但求搵個地方好坐嘅，食餐晏，傾吓偈。
Post
