北海道牧場餐廳 (Closed)

今日就想去試下呢個什麼北海道牧場, 一到場見大排長龍, 從來為左食好野, 我為食哥都唔怕等既, 不過好明顯呢間野出左名就開始變差, 冷冷一句"你出面照排啦"就開始排隊, 第一件扯火的事來了, 下一張就到我, 店內已經走了好幾台, 店員都已經整理好台面, 明明隔住玻璃見到有吉台, 店員就遲遲未叫我入去一自己有自己做其他野, 包下外賣, 搞下刀差, 自己飲下野, 收下錢, 根本完全無視出面等位既十幾人, 比太陽曬住, 又熱又出哂汗咁, 結果我等佢做自己野足足等左十分鐘先有得入去, 佢既態度就好似唔志在, 唔鐘意就唔好等, 你可以走, 入到去座低, 餐牌上根本選擇不多, 我叫左最基本既常餐, 指明係要轉通粉既, 第二件扯火既事就出現, 將我既通粉比左隔離台要意粉既客人, 個客人唔介意照食, 然後拿個意粉問我 : "你介唔介意要意粉" 我好老實話介意!! 佢走去換過, 結果我又從頭排過隊咁又等左10分鐘, 喂!! 我都講明要通粉, 你自己做錯左係唔係要快速換比我呀, 不如我座低你鐘意比咩就咩啦好唔好, 食物味道一般到暈, 無特色無新意, 價錢又貴, 杯奶茶仲差過普通茶餐廳, 寧願食M記