香港永年車仔麵茶冰廳

Open Now

Now Closed

岩岩好lunch time前去食，六個人都唔洗等位但安排坐左係張五角形卡位，問侍應可唔可以拎張凳擺係走廊位，反而被問「你想擋住條路啊？」，服務態度嚇到成枱人呆左，但前提係條路闊到五個人都行到。Anyway最後個侍應都有拎到張凳黎，因為事實上確實迫到坐唔到。服務態度要改善一下。點餐係用QR code自助點餐，都方便（但係要加一既）。叫左一個永年車仔麵，配料係佢地推薦既蘿蔔、牛筋，仲有芝士腸同貢丸，真係好耐無食過四餸車仔麵啦。湯底就簡返清湯；麵底係米粉。先講湯底，係懷念既車仔麵湯底，只係油左d。牛筋都煮得好軟，的確係值得推薦；蘿蔔帶微辣，應該係浸過咖哩汁既蘿蔔，都幾入味。畢竟價錢未去到物有所值，但如果偶爾想感受香港茶餐廳既味道都可以食一次。