Nardo's Cafe (Closed)

樓上Cafe來講，其實環境都算唔錯都叫乾淨，朋友Book咗一間房用嚟傾婚禮安排，有門隔一隔，所以都能夠安安靜靜傾下野。食物就覺得小食好過主食，凍飲全部都有好大舊冰，其實飲兩三啖就無乜。我個人就好少去樓上Cafe嘅，所以我整咗個心態，其實係期望個環境可以傾吓計多過對食物嘅要求。一入門口都有好多玩具擺設放咗喺度，都吸引住我睇咗一陣，仲有少少嘅board game提供俾人自己攞嚟玩，感覺都係幾新奇嘅，如果大家未去過都值得推介大家去一試架！