155
16
7
Level4
237
0
自從疫情下無得飛之後,就深深掛住念東京嘅壽喜燒人氣名店人形町今半,聽朋友推薦之下,介紹左すき焼 森依間據說性價比好高既壽喜燒,すき焼 森有幾間分店,不過預訂過程都相當唔簡單,本身打算8月中電話預訂,但估唔到9月既Booking都全full,結果9月1號足足打左不下百次電話先成功預約到10月既Booking,咁難book位,自然會更加有期望。-侍應安排我地一行幾人坐係bar台,已經有兩位師傅係度準備食材,其中一位師傅係度砌緊一陣比我地食嘅和牛壽喜燒,望住果盤油脂滿溢既和牛鋪滿哂成隻碟,大家都非常期待,同埋即刻相機食先。全程煮食過程都係由一位日本師傅負責,都會同我地有幾句簡單英文介紹食材同食法,幾貼心,識日文嘅朋友仲可以同師傅交流幾句,見有人自拍,師傅都非常熱情一齊擺pose合照。-我地一行四人點左Lunch set ($580/1),而Dinner set($680/1),另外侍應亦問左我地需唔需要加牛舌($100/4 piece)同埋今日有期間限定嘅日本直送北海道厚岸蠔,我地就加左蠔。-1.前菜&茶碗蒸3.5/5兩者都係用上左白舞茸,前菜入口清新,茶碗蒸比平時食嘅多高湯,更加滑嫩,配埋
Read full review
自從疫情下無得飛之後,就深深掛住念東京嘅壽喜燒人氣名店人形町今半,聽朋友推薦之下,介紹左すき焼 森依間據說性價比好高既壽喜燒,すき焼 森有幾間分店,不過預訂過程都相當唔簡單,本身打算8月中電話預訂,但估唔到9月既Booking都全full,結果9月1號足足打左不下百次電話先成功預約到10月既Booking,咁難book位,自然會更加有期望。
-
侍應安排我地一行幾人坐係bar台,已經有兩位師傅係度準備食材,其中一位師傅係度砌緊一陣比我地食嘅和牛壽喜燒,望住果盤油脂滿溢既和牛鋪滿哂成隻碟,大家都非常期待,同埋即刻相機食先。全程煮食過程都係由一位日本師傅負責,都會同我地有幾句簡單英文介紹食材同食法,幾貼心,識日文嘅朋友仲可以同師傅交流幾句,見有人自拍,師傅都非常熱情一齊擺pose合照。
-
我地一行四人點左Lunch set ($580/1),而Dinner set($680/1),另外侍應亦問左我地需唔需要加牛舌($100/4 piece)同埋今日有期間限定嘅日本直送北海道厚岸蠔,我地就加左蠔。
-
1.前菜&茶碗蒸
3.5/5
兩者都係用上左白舞茸,前菜入口清新,茶碗蒸比平時食嘅多高湯,更加滑嫩,配埋白舞茸增加口感同菇香,幾新鮮嘅配搭。


2.日本直送北海道厚岸蠔
4.5/5
師傅一邊開蠔一邊伴碟,全程好似睇緊表演咁,已經未食先興奮,蠔肉入口鮮甜配上少少醋更加好味,最驚喜係蠔肉裙邊爽彈,非常新鮮好味!


3. 和牛壽喜燒
4.5/5
すき焼 森係沿用關西風壽喜燒嘅煮法,用牛油起鑊再用淋砂糖同壽喜燒煎煮,係每人總共4塊近江和牛,分別係肉眼,西冷,2塊唔同嘅牛肩肉,日本師傅會幫我地拌蛋,然後每片牛伴隨唔同嘅蔬菜,仲會有日本飯比大家一齊伴隨和牛入口,侍應特別提醒唔好食太飽,因為轉頭仲有驚喜,試哂唔同配搭風味,和牛好食唔洗講,連帶睇住師傅一邊煮都非常賞心悅目,唔經唔覺就食完主菜。



4. 和牛滑蛋飯
4/5
依個和牛滑蛋飯都非常精彩,和牛肉粒再加埋滑蛋然後淋上白飯,簡簡單單,但係我地全部都非常收貨,非常滿足,食埋雪糕同餐飲完美結束左依餐!


總結: 呢間Sukiyaki性價比係香港嚟講好高,同埋有日本師傅係席前料理,簡直係視覺同味覺雙重享受,完全明白點解咁難先Book到位,大家有興趣嘅記得月頭比D耐性打電話啦。
55 views
0 likes
0 comments
11 views
0 likes
0 comments
16 views
0 likes
0 comments
12 views
0 likes
0 comments
18 views
0 likes
0 comments
15 views
0 likes
0 comments
12 views
0 likes
0 comments
10 views
0 likes
0 comments
20 views
0 likes
0 comments
12 views
0 likes
0 comments
37 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2021-10-24
Dining Method
Dine In
Spending Per Head
$580 (Lunch)
Recommended Dishes
  • 壽喜燒