英記麵家

Open Now

Now Closed

90年代廿幾年前中學放lunch同學仔提議一齊去食英記一般冇乜異議。我對上果次食英記已經係我2018結婚前夕同d兄弟故地重遊路過食嘅，當時口味同記憶中並無差異。今年生左小朋友，要去般咸道影相舖取bb相，路過英記就點都要黎幫襯下。記得當年同學第一次帶我嚟食，有個夥計叔叔提我地唔好玩辣椒油，入左眼好辣㗎，我諗佢都退咗休。今日，個顆計已經俾個後生仔接左班，佢問我食乜，細個黎依度食次次都係食蓉腩河，今次都唔例外。牛腩、中間搭嗰條油菜同記憶中嘅味道一模一樣。唯獨是嗰粒炸雲吞出左問題——乜咁大粒嘅？英記炸雲吞一直都係炸起攤到凍晒，等到有客叫先加入啲粉度。如果太大粒，d湯浸幾耐都唔會浸返熱粒雲吞；另外，記憶中嘅炸雲吞中間係有d空間嘅，食落鬆化有層次，依家做到好似炸豬肉丸咁，每咬一啖都係凍冰冰嘅肉。總結，夥計嘅服務態度好，我食嘅更多嘅係回憶，食物質素唔係差，偏貴，如果要千里迢迢搭車過嚟食，真的不需要了，怕你失望。以前一班同學仔黎到一定會叫炸魚皮share一齊食，浸係d湯到2秒即食，現在都各有各忙都好少飯眾，有機會再一齊黎食炸魚、叉燒啦！