Video
Read full review
2021-07-05
2119 views
周末日，行山團因天氣過熱唔成團，所以，就同老婆過嚟荃新天地二期嘅「英皇」睇場戲兼食晏，電影就揀咗災難片「極地冰劫」，近兩個鐘長，全片都無冷場，啲特技都好犀利，拍到真嘅一樣。而食晏地方，就過番嚟荃新天地一期嘅「Deer Kitchen」，鍾意佢環境好，多年前亦幫襯過觀塘店，記得佢哋嘅出品喺唔錯，雖然喺5年前嘅事，但屹立至今，就證明有一定實力。室內環境以一室白色為主調，襯以湖水綠，裝修簡約，有啲北歐風。再者向街方向嘅全面落地大玻璃窗，加上樓底高，空間感極強。而白色雲石枱，襯以長形湖水綠梳化椅，感覺喺嘆下午茶嘅理想位置。全場最吸晴，亦喺有唔少人專登打卡，就喺近門口嘅兩個「雀籠」位，非常適合三五知己暢聚。我哋兩公婆，簡單有個二人位，處於一角就仲啱心水。店名用上「鹿」，裝飾當然有其踪形，就好似牆上掛上一頭鹿頭嘅木雕，另外，天花又吊了一隻全鹿嘅木造工藝品，仲有少少以鹿為主題嘅掛畫。店內兩條大柱躉專登綑上假葉，會唔會令你有少少覺得自己身處北歐嘅小森林呢？雖然喺嚟食午餐，既然都放低埋個主餐牌，都影一影出嚟俾大家有個參考。翻一翻，其實都有幾多嘢食，如沙律、湯品、頭盤、意大利麵、意大利飯、意式薄餅、主菜類
室內環境以一室白色為主調，襯以湖水綠，裝修簡約，有啲北歐風。再者向街方向嘅全面落地大玻璃窗，加上樓底高，空間感極強。而白色雲石枱，襯以長形湖水綠梳化椅，感覺喺嘆下午茶嘅理想位置。
全場最吸晴，亦喺有唔少人專登打卡，就喺近門口嘅兩個「雀籠」位，非常適合三五知己暢聚。我哋兩公婆，簡單有個二人位，處於一角就仲啱心水。
店名用上「鹿」，裝飾當然有其踪形，就好似牆上掛上一頭鹿頭嘅木雕，另外，天花又吊了一隻全鹿嘅木造工藝品，仲有少少以鹿為主題嘅掛畫。店內兩條大柱躉專登綑上假葉，會唔會令你有少少覺得自己身處北歐嘅小森林呢？
雖然喺嚟食午餐，既然都放低埋個主餐牌，都影一影出嚟俾大家有個參考。翻一翻，其實都有幾多嘢食，如沙律、湯品、頭盤、意大利麵、意大利飯、意式薄餅、主菜類、甜品，可謂一應俱全。但都溫馨提示一下，晚市設最低消費，都只不過喺$100，相信喺像徵式而已。
飲品方面，反而估唔到有咁多選擇，啤酒、紅白餐酒、雞尾酒、無酒精雞尾酒、特色梳打、沙冰、咖啡、花果茶、果汁……等等。定價嚟講，呢度算屬中高價位。
至於午市套餐，就喺三道菜嘅格局，包前菜（餐湯或沙律）、主菜（共7款選擇，定價$98-$148）、餐飲，而前菜嘅餐湯、沙律，小食嘅炸薯條、烤野菌，以及甜品，都可以額外加配；此外，餐飲亦有升級嘅選項。
基本上，落單採用手機二維碼自行落單，呢個方法之前晌唔同餐廳都試過好幾次，唔難用，已經掌握到，但萬一唔熟，甚或唔識搞，亦可以搵店員幫忙落單。溫馨一提，主菜嘅基本嘅設定喺薯菜，如果要白飯記得進入「自訂」一欄更改，此外，好似小弟揀食扒，「自訂」裡面仲可以揀幾多成熟。
是日餐湯我哋兩個人，最簡單就喺一個要餐湯，一個要沙律，咁就可以試勻兩類頭盤。是日餐湯喺南瓜忌廉湯，鮮橙色嘅外觀睇落就幾對辦，而入口，感覺又真喺幾唔錯，口感柔滑，無起粒粒，南瓜嘅味道亦頗清甜。
是日沙律翻睇其他人嘅食評，都喺無乜點變，都喺較懷舊「豉油西餐」嘅薯仔沙律，少少沙律菜墊底，放上薯仔沙律，加少少粟米粒及車厘茄作點綴。質素平實，薯仔仍帶微微爽口，夠乾身，唔會滲出水，亦證明啲薯仔喺隔水蒸，而唔喺貪快搵水烚。
比吉打時令魚柳配芒果莎莎 $128老婆好喜歡食牛油果，主菜中嘅牛油果蝦肉意大利飯可以講喺開正佢嘅口味，可惜，近排佢要戒蝦蟹，所以，揀咗時令魚柳，魚類佢亦都鍾意。比吉打喺咩？小弟才疏，真喺唔識，原來喺指個煮法，即喺魚柳沾上麵粉（或再蘸蛋漿）去煎香，整道主菜嘅賣相幾靚，魚柳煎得金黃，配以大量芒果莎莎。
比吉打時令魚柳配芒果莎莎
$128
14 views
0 likes
0 comments
魚柳嘅外層果然脆口，部份邊位更有焦脆效果，而肉質挺實而嫩滑，沾上芒果莎莎，清甜嘅芒果香味，更突出到魚柳嘅鮮味。另外，墊底仲有紫薯蓉、青豆及扒蕃茄，等陣再分享。
香烤澳洲西冷配黑椒燒汁 $148 今日真喺興之所致，想食食牛扒，所以，點咗一客澳洲西冷，諗住百零蚊啫，無諗過件西冷咁大件、咁厚身，目測估計都有12安士，以木鉆板呈上，非常有睇頭，加上烤到一條條坑紋，更喺份外吸引。
香烤澳洲西冷配黑椒燒汁
$148
52 views
1 likes
0 comments
要咗5乘熟，感覺都差唔多，一落刀感覺到肉質非常軟腍，件澳洲西冷本身真喺好有質素，簡單鹽、黑椒調味，齋食真喺食得到嗰份肉香，質感非常之腍滑，再沾少少黑椒燒汁，更有畫龍點晴之效。
跟魚柳一樣，薯菜同樣都喺紫薯蓉、青豆及扒蕃茄，再加少少沙律菜，而紫薯蓉打得好綿滑，亦好有紫薯香味，而扒蕃茄暖暖哋，入口就鮮甜好味。
熱蜜桃茶老婆就簡簡單單要杯熱蜜桃茶，蜜桃茶都喺以茶包沖泡，聞落去幾有桃香，飲落都幾舒服，尤其一陣食件芝士蛋糕，更有種去膩、清味蕾之效。
鮮奶咖啡 +$20 小弟就想試試呢度嘅意式咖啡，升級要咗杯鮮奶咖啡，但賣相及口感似泡沫咖啡多啲，都無緊要，後者我都啱。咖啡本身嘅味道都幾醇香，奶泡尚算打得綿密，不過，整體嚟講，就唔算好出色。
紐約芝士蛋糕 +$25主菜嘅份量都好足，所以，甜品就只追加一客，反正又只有紐約芝士蛋糕一款。通常面層都喺酸忌廉所做，但呢度就只喺用上一般嘅忌廉，感覺就未夠神髓，不過，值得一讚喺消化餅底夠薄，中間嘅忌廉芝士夠挺身、夠濃郁，仲滲出少少檸檬清香，老婆就話好鍾意佢哋搵啲紅莓乾做點綴。
今次再訪「Deer Kitchen」，保持印象良好，見有啲侍應好後生，感覺有少少生手，但都好有禮貌，好用心去做。更同我講，午餐第二份有半價優惠，可惜嘅喺只限星期一至五，我話呢啲機會唔屬於我；但佢再回，星期一至三晚市亦有唔同半價優惠架，如晚餐半價、薄餅半價、意粉半價，咁又真喺幾吸引喎！
Post
