Video
Read full review
2009-06-11
5 views
昨晚到中環Zzip食晚飯，餐廳環境氣氛都唔錯，傾計進餐皆合適。是晚點選了兩客Summer Buffet Set Dinner。前菜是各式沙律冷盤，有十數款左右(可參閱相片)。有別於一般自助沙律吧，冷盤是餐廳安排。如無特別要求，餐廳會代為挑選各式冷盤配菜。客人亦可依各自喜好無限量挑選個別冷盤。食材本身都算新鮮，味道令人滿意。不過，奇怪的是叫了兩round冷盤，都唔覺有餐牌所述嘅assorted seafood，最後在我們詢問下，餐廳才奉上一小碟海鮮，有青口、蜆、蝦等等。其實這些食材都很普通，價錢亦唔算貴，這個做法未免有失大方之嫌。講番D海鮮，感覺上係剛剛整熟放涼無耐，仲有少少餘温，味道偏淡，亦唔夠鮮味，所以都無encore喇！餐湯蘑菇味濃，湯中混着蘑菇微粒，都OK。主菜選了水牛芝士扁意粉及西冷牛扒。水牛芝士雖芝士味唔濃，但勝在入口煙韌有口感，和扁意粉嘅texture亦很配合。所用配菜雖然簡單，但整體味道不俗。西冷牛扒order了medium-well，結果差不多是全熟，更甚的是食落有燶味，蓋過牛扒本身的肉香。幸好牛扒肉質都未至於好韌，否則一定評為唔合格。在我們食緊主菜的同時，待應特然奉上
昨晚到中環Zzip食晚飯，餐廳環境氣氛都唔錯，傾計進餐皆合適。是晚點選了兩客Summer Buffet Set Dinner。
前菜是各式沙律冷盤，有十數款左右(可參閱相片)。有別於一般自助沙律吧，冷盤是餐廳安排。如無特別要求，餐廳會代為挑選各式冷盤配菜。客人亦可依各自喜好無限量挑選個別冷盤。食材本身都算新鮮，味道令人滿意。不過，奇怪的是叫了兩round冷盤，都唔覺有餐牌所述嘅assorted seafood，最後在我們詢問下，餐廳才奉上一小碟海鮮，有青口、蜆、蝦等等。其實這些食材都很普通，價錢亦唔算貴，這個做法未免有失大方之嫌。講番D海鮮，感覺上係剛剛整熟放涼無耐，仲有少少餘温，味道偏淡，亦唔夠鮮味，所以都無encore喇！
餐湯蘑菇味濃，湯中混着蘑菇微粒，都OK。
主菜選了水牛芝士扁意粉及西冷牛扒。水牛芝士雖芝士味唔濃，但勝在入口煙韌有口感，和扁意粉嘅texture亦很配合。所用配菜雖然簡單，但整體味道不俗。西冷牛扒order了medium-well，結果差不多是全熟，更甚的是食落有燶味，蓋過牛扒本身的肉香。幸好牛扒肉質都未至於好韌，否則一定評為唔合格。
在我們食緊主菜的同時，待應特然奉上一籃麵包，說是剛剛焗起。雖然麵包都幾香及幾好食，但此安排的確怪怪的。
Homemade desserts有咖啡慕絲及芒果慕絲。賣相味道口感都得喎！好味。
埋單時多口問一句有冇credit card有discount，待應答yes後便行開了，心想即是那一張credit card有discount呢。最後謎底揭終，任何card都得，因餐廳已免了我們加一，所以記住攞discount呀！
[10/6/2009; Wed]
Post
