Video
Read full review
2018-06-21
77 views
今日終於搞掂左公司一個大project，同個同事放咗工之後去，決定去中環度飲杯酒慶祝下。行上蘭桂坊嘅途中，俾我哋發現左呢間餐廳，就決定入去試吓。真可惜今日係星期一，我哋入左去先發現原來呢到星期四優惠，支裝啤酒，Cocktails，Housewine同所有生蠔都有半價！星期日叫滿一打生蠔仲會送一隻龍蝦！不過唔緊要啦，難得今日咁開心我哋都決定照食！由於朋友腸胃炎岩岩好翻，就算我幾想食生蠔都唔想自私食，所以我哋今次都全部要晒熟食。加上大家都唔係好肚餓，都係志在傾吓計，所以我哋要左兩份小食，一碟意粉。首先有燒意大利香腸，香腸夠晒味，黑椒味重但又唔會好鹹。香腸表面亦燒到好香脆。之後有蟹餅伴燒粟米沙沙。蟹餅外層煎到金黃色，入面真材實料，切開全部都係滿嘅蟹肉，十分鮮甜。伴菜燒粟米沙沙亦非常有驚喜呀，燒過嘅粟米更加香甜，加埋沙律醬同檸檬汁，好開胃。最後叫咗一碟帶子闊條麵。雖然唔知點解叫pink sauce但又唔係粉紅色，反正就係好味既忌廉汁！主角帶子用上刺身級，好新鮮，煎到半熟外脆內軟，正。朋友要咗杯普通嘅啤酒，而我自己就要左呢杯cocktail - Glow Tai。入面主要成份係Rum酒同埋菠蘿汁
真可惜今日係星期一，我哋入左去先發現原來呢到星期四優惠，支裝啤酒，Cocktails，Housewine同所有生蠔都有半價！
星期日叫滿一打生蠔仲會送一隻龍蝦！
不過唔緊要啦，難得今日咁開心我哋都決定照食！
由於朋友腸胃炎岩岩好翻，就算我幾想食生蠔都唔想自私食，所以我哋今次都全部要晒熟食。加上大家都唔係好肚餓，都係志在傾吓計，所以我哋要左兩份小食，一碟意粉。
首先有燒意大利香腸，香腸夠晒味，黑椒味重但又唔會好鹹。香腸表面亦燒到好香脆。
之後有蟹餅伴燒粟米沙沙。
蟹餅外層煎到金黃色，入面真材實料，切開全部都係滿嘅蟹肉，十分鮮甜。伴菜燒粟米沙沙亦非常有驚喜呀，燒過嘅粟米更加香甜，加埋沙律醬同檸檬汁，好開胃。
最後叫咗一碟帶子闊條麵。
雖然唔知點解叫pink sauce但又唔係粉紅色，反正就係好味既忌廉汁！主角帶子用上刺身級，好新鮮，煎到半熟外脆內軟，正。
朋友要咗杯普通嘅啤酒，而我自己就要左呢杯cocktail - Glow Tai。
入面主要成份係Rum酒同埋菠蘿汁，比較甜，好適合一啲唔太飲得酒嘅人/女仔，好容易入口。
傾吓傾吓好快就一晚，我哋都好滿意呢度嘅環境同食物，下次會等有優惠既日子再黎！
Post
