Marco's Oyster Bar & Grill (港灣豪庭廣場) (Closed)

見到門口黑版上既意粉同飯價錢ok入左去食，侍應話黑版上既野食可以叫，只係冇印到餐牌，最後到俾錢時先知道門口黑版上寫既價錢要加5蚊，但係黑版上冇寫係只供外賣或者堂食要加錢，侍應冇講過，落單之後亦都冇單據俾我確認價錢，即係係餐牌價錢之上要加幾錢係隱藏收費，到你食完俾錢時只能硬食一個同餐牌唔同既價錢。今次我食係加5蚊，冇人知下次食係加幾錢。其實食物質素同性價比都好一般，服務又差，明白而家香港飲食業難做，但係靠隱藏收費來生存而唔係提高性價比，只會大家食一次就以後唔食。