泰Grill (恆隆銀行大廈) (Moved) New Location

近來住喺尖沙咀區日日都出去食，終於有機會試吓呢一間，之前睇OpenRice啲comment都唔錯，所以今日就去試一試，由於又唔係太肚餓嘅情況底下，所以只係叫咗個豬頸肉沙律同埋冬陰功湯，其實叫嗰兩樣嘢個味道都喺度嘅，不過對於我來講就辣咗啲，尤其是係個豬頸肉沙律，佢用咗紫色洋蔥香味就十足啦，不過紫色洋蔥就比較辣，初初食嗰陣時都好惹味，不過越食就越辣🥵，最後都係有啲放棄咗。至於個湯冬陰功湯就好重椰汁味，個湯入邊都係足料嘅。價錢亦都合理如果下次經過又想食泰國嘢都會考慮再返去嘅。