Video
Read full review
2021-08-25
28 views
【Mamaday Studio】#油麻地 #打卡cafe今日係尖沙咀食咗個靚lunch，見仲有好多時間就想搵個地方坐下，抓緊夏天的尾巴，於是搵到呢間風評極高嘅特色咖啡店。Mamaday呢個品牌不嬲都有好高嘅人氣同埋形象，但凡係佢嘅本店以及姊妹店都收穫唔少正評，今次嚟到呢間Mamaday Studio同一般嘅Cafe有少少唔同，你會先喺樓下俾錢買完之後再自己將啲咖啡同食物拎上去樓上。而通往上層嘅地方有一道閘門要自己拉開，充滿神秘感。而且一拉開閘門嘅時候第一個映入眼簾嘅係可愛嘅貓咪，各位貓奴一定要嚟幫襯下啦。———————————————松露蕃茄貝果（ $56 ）松露嘅味道非常之香濃，而且啲醬嘅份量亦都非常充足，可以鋪滿成舊bagel。Bagel本身嘅口感處理得非常之煙韌香軟，咀嚼起上嚟嘅時候嚼勁十足，食得非常之爽。豆腐豆腐咖啡（ $48 ）呢杯咖啡嘅名出現咗兩次豆腐呢個字係有某種涵義嘅，原因就係除咗面頭鋪住一大舊又香又甜而且軟綿綿嘅豆腐之外，喺咖啡裡面都有好多攪成碎粒嘅豆腐，飲落口嘅時候每一啖都有清爽而且順滑嘅口感，食面頭嗰舊巨型豆腐嘅時候，更加有食緊甜品嘅爽感。海鹽焦糖咖啡（ $46
今日係尖沙咀食咗個靚lunch，見仲有好多時間就想搵個地方坐下，抓緊夏天的尾巴，於是搵到呢間風評極高嘅特色咖啡店。
Mamaday呢個品牌不嬲都有好高嘅人氣同埋形象，但凡係佢嘅本店以及姊妹店都收穫唔少正評，今次嚟到呢間Mamaday Studio同一般嘅Cafe有少少唔同，你會先喺樓下俾錢買完之後再自己將啲咖啡同食物拎上去樓上。而通往上層嘅地方有一道閘門要自己拉開，充滿神秘感。而且一拉開閘門嘅時候第一個映入眼簾嘅係可愛嘅貓咪，各位貓奴一定要嚟幫襯下啦。
———————————————
松露蕃茄貝果（ $56 ）
松露嘅味道非常之香濃，而且啲醬嘅份量亦都非常充足，可以鋪滿成舊bagel。Bagel本身嘅口感處理得非常之煙韌香軟，咀嚼起上嚟嘅時候嚼勁十足，食得非常之爽。
豆腐豆腐咖啡（ $48 ）
呢杯咖啡嘅名出現咗兩次豆腐呢個字係有某種涵義嘅，原因就係除咗面頭鋪住一大舊又香又甜而且軟綿綿嘅豆腐之外，喺咖啡裡面都有好多攪成碎粒嘅豆腐，飲落口嘅時候每一啖都有清爽而且順滑嘅口感，食面頭嗰舊巨型豆腐嘅時候，更加有食緊甜品嘅爽感。
海鹽焦糖咖啡（ $46 ）
海鹽焦糖咖啡嘅甜度恰到好處，唔會太過火嘅焦糖味混和海鹽以及咖啡，飲落口非常之柔順舒服，配合埋呢個咁優美寧靜嘅環境，簡直好似去咗海邊渡假一樣咁舒服而且難忘。
———————————————
btw呢間舖頭嘅飲筒係用可以循環再用嘅紙飲筒，而且餐具都係用木製嘅，環保意識極之強，抵讚！
———————————————
#mamadaystudio
Mamaday Studio (油麻地)
油麻地白加士街105號地舖
Post
