老鳳冰室 (Closed)

今日小手燙傷了，唯有化悲憤為食量😤去了葵芳店既老鳳冰室，佢地既裝修好用心，好配合到香港人既風味，係等野食到前可以慢慢欣賞創作人既幽默。首先係飲品到先，見到杯波波咖啡既Cream份量十足,完全體貼我呢位怕苦既小朋友，而佢地d波波冰係用埋咖啡雪做冰，完全唔會愈飲愈淡，一間茶餐廳可以做得咁用心真係值得讚許👍🏻跟手係黑松露炒蛋多士，黑松露味好香，蛋都夠滑，呢個係呢個冰室推介既野食。之後主食係我既最愛豬頸肉芝士撈丁，芝士味濃郁，豬頸肉爽口，完全冇野可以彈。雖然唔知呢餐會肥幾多磅，但係我食得好開心，因為食得好飽價錢又唔貴，真係非常之抵。😁