Video
Read full review
2016-07-11
1973 views
上次星期日相約一大班朋友到寶湖飲下午茶，見有時間就走去暢和碰碰運氣，誰知竟然排長龍，唯有放棄。今日再黎試試，兩點都等到嘔囉。見食客們都食得慢條斯理，慢吞吞 ﹗您地食快少少得唔得？侍應嬸嬸我唔坐街邊架，我要坐裡面啊 ﹗呆企左廿分鐘終於有位，侍應阿姐話執埋檯先比我坐，無問題。企多兩分鐘發覺唔對路，走去裝下啦，原來執完好耐囉 ﹗侍應阿姐您點我呀？是否見我只得一個人唔想比檯我？我一個頂您兩個客啦，可惡！不過長髮妹妹侍應就溫文爾雅，勤力有禮，感覺好 warm 好舒服，非常大既對比囉。發現暢和有待用餐喎，還剛剛已累積到 100 個，大家有需要可以黎試試。肥哥哥大力推介暢和碗仔翅，所以專登黎試試傳聞大埔 top 1 既碗仔翅，仲只得星期六及日先供應。我係都要食到您 ﹗是但食豬雜麵、醉雞、蠔砵咁就 $110 蚊埋單，都幾貴喎。花雕醉雞，大肥雞黎喎，冰鮮雞既雞味欠棒都正常。雞皮厚厚的，而且隱藏著大量啫喱透明狀脂肪，一咬成口油，感覺不良好。花雕汁清香帶甜不澀不濁，軟棉雞胸肉、嫩滑雞髀肉吸收左湯汁都幾好食，過得去啦。發現醉雞還可以 order 走翼或走胸呢。豬雜麵走蔥，果然係招牌菜，比起醉雞更出色 ﹗豬雜種
呆企左廿分鐘終於有位，侍應阿姐話執埋檯先比我坐，無問題。企多兩分鐘發覺唔對路，走去裝下啦，原來執完好耐囉 ﹗侍應阿姐您點我呀？是否見我只得一個人唔想比檯我？我一個頂您兩個客啦，可惡！不過長髮妹妹侍應就溫文爾雅，勤力有禮，感覺好 warm 好舒服，非常大既對比囉。
發現暢和有待用餐喎，還剛剛已累積到 100 個，大家有需要可以黎試試。肥哥哥大力推介暢和碗仔翅，所以專登黎試試傳聞大埔 top 1 既碗仔翅，仲只得星期六及日先供應。我係都要食到您 ﹗是但食豬雜麵、醉雞、蠔砵咁就 $110 蚊埋單，都幾貴喎。
花雕醉雞，大肥雞黎喎，冰鮮雞既雞味欠棒都正常。雞皮厚厚的，而且隱藏著大量啫喱透明狀脂肪，一咬成口油，感覺不良好。花雕汁清香帶甜不澀不濁，軟棉雞胸肉、嫩滑雞髀肉吸收左湯汁都幾好食，過得去啦。發現醉雞還可以 order 走翼或走胸呢。
豬雜麵走蔥，果然係招牌菜，比起醉雞更出色 ﹗豬雜種類繁多，全部都處理得乾乾淨淨，沒半點腥嗅味道。居然連豬肺都有供應呢，嫩滑軟棉無比。粉腸甜美極為滑彈，完全不苦不澀，只有腸魚味。大腸充滿彈性、豬心爽脆，豬腰豬肚鮮甜，全部高質無投訴，非常美味。辣椒油跟許記同樣有花椒味道，微微麻痺感覺，夠晒香辣。麵條略腍左少少，又溶溶地，有點失手。湯底可再濃郁一點。
焗蠔砵，賣相真係好似焗魚腸，很多食客都有 order 喎，我都唔執輸試試。食其香口脆口，完全食唔到蠔味，焗到程金黃色廿十成熟。如海潚般大量芹菜芫茜，幸好依家既我頂得住唔會反胃，蛋同蠔仔都一樣結實，似足蛋糕乾爭爭，不喜歡此質感！我愛嫩滑 juicy 水潤多汁，剛剛熟既蒸水蛋般。
碗仔翅，仲唔比我食到您！鯊魚骨肉絲高湯底堅好味，啖啖肉超足料，還食到有少少鯊魚軟骨及鯊魚脣呢！味道一流，係厚身杰左少少！完全不需落任何調味，醋麻油胡椒辣油掉晒去，非常美味可口，食完都唔會覺得口渴添。質數比大元邨老店更勝一籌，好掂 ﹗
雲吞蝦子撈麵走蔥，鮮肉小雲吞又會咁好味既？甜美豬肉彈牙，肉汁鮮甜豐富，結實滑滑，您好野 ﹗生菜鮮爽帶甜，好味道。蝦子比許記炒得更香，撈上彈牙靚味美味，爽到索索聲。花椒辣椒油好香夠辣帶麻，撈上蝦子跟麵條非常美味，每一口都要夾著大量辣椒肉，非常興奮刺激 ﹗
侍應阿姐跟食客起爭執，係阿姐落錯單？還是食客講錯呢？口同鼻坳，order 得咁複雜，我都聽到一頭霧水。侍應阿姐一早寫低再口述覆單咪唔會錯囉，係都要懶勁齋用腦記。排緊隊已落左部份外賣單同堂食單，坐低時又再加單，最後仲要分開兩 group 包，您兩個四眼男女玩野咩！
突然有兩位四眼阿姐搭檯，仲跟我寒暄幾句話經過大埔求其盅入黎，話依度有好多正野食，唔知幾時再黎，問我有咩好介紹，哈哈。
花雕醉雞
142 views
0 likes
0 comments
豬雜麵走蔥
80 views
0 likes
0 comments
豬雜麵走蔥
49 views
0 likes
0 comments
焗蠔砵
87 views
0 likes
0 comments
焗蠔砵
73 views
0 likes
0 comments
碗仔翅
113 views
0 likes
0 comments
碗仔翅
63 views
0 likes
0 comments
雲吞蝦子撈麵走蔥
44 views
0 likes
0 comments
雲吞蝦子撈麵走蔥
27 views
0 likes
0 comments
雲吞蝦子撈麵走蔥
65 views
0 likes
0 comments
Post
