Video
Read full review
2009-09-10
8 views
今日同朋友係學校做完野見肚餓就去左尖沙咀搵野食, 我地見到依間位於金馬倫中心既江川壽司望落去都唔錯門口又無人排隊唔使等位就諗住入去試下啦. 因為果陣時已經11點15分, 我地都怕會阻住人地收鋪, 所以就上前問問門口個侍應小姐仲有冇位, 仲可唔可以入去食之餘既問題, 依位門口既侍應小姐已經令我為依間餐廳投上失望既第一票, 因為佢竟然用一種不在乎既態度並輕佻地同我地講 ' 有.....! 仲有呀 ' . 不過可能都只係佢工作左一整日太辛苦有點累而已, 我地都安安份份係門口等佢安排緊位比我地, 但係過左大約3分鐘, 都竟然仲未聽到依位侍應小姐話有位可以安排入座, 我地等左咁耐都仲未有位就問佢啦, 我地一問佢竟然又用番同一個輕佻既態度同我地講'' 有....! 有位啦 '' 我地未食野已經要享受如斯好既服務態度 唔通係依間餐廳既特色?入到去我地叫齊食物之後就如常傾計等野食黎, 點知野食未黎張單先黎, 並用唔耐煩既態度要求我地埋單先, 我地就同佢講野食都未黎點解要埋單先? 至少都應該比我地見齊d野食先啦, 唔可以食完先比錢? 佢聽左我地咁講之後都話好, 但係我地整個用餐既過程入面
依位門口既侍應小姐已經令我為依間餐廳投上失望既第一票, 因為佢竟然用一種不在乎既態度並輕佻地同我地講 ' 有.....! 仲有呀 ' . 不過可能都只係佢工作左一整日太辛苦有點累而已, 我地都安安份份係門口等佢安排緊位比我地, 但係過左大約3分鐘, 都竟然仲未聽到依位侍應小姐話有位可以安排入座, 我地等左咁耐都仲未有位就問佢啦, 我地一問佢竟然又用番同一個輕佻既態度同我地講'' 有....! 有位啦 '' 我地未食野已經要享受如斯好既服務態度 唔通係依間餐廳既特色?
入到去我地叫齊食物之後就如常傾計等野食黎, 點知野食未黎張單先黎, 並用唔耐煩既態度要求我地埋單先, 我地就同佢講野食都未黎點解要埋單先? 至少都應該比我地見齊d野食先啦, 唔可以食完先比錢?
佢聽左我地咁講之後都話好, 但係我地整個用餐既過程入面佢地整整用黎左我地張臺問我地收錢問左至少5次. 我唔明白佢地點解要咁做(因為之前都同左佢講食完先比), 但我覺得咁樣真係唔左個唔好既印象我地, 佢地咁樣做真係非常annoying之餘仲令我覺得佢地好似睇唔起我地當我地無錢比食霸王餐咁. 唔通我地比錢入餐廳食野係需要受埋依d對待?
我地中途叫佢地加水佢地又要用唔好既態度大聲講'' 喂, 依到有人話要加水wo'', 依d究竟係乜野服務特色黎架? 點解食飯都要比氣我地受? 我地要水者, 又唔係要佢地份糧. 咁都要串我地?
最後我地真係食得好唔開心之下埋張單離開左依間令人不愉快既餐廳. 我係到分享我既感受其實真係想大家知一間餐廳食物既質素真係好緊要, 但係同時服務既質素真係同樣重要架. 希望依間鋪頭係將來既日子會有改善啦, 無謂因為服務既態度問題而浪費左一班廚師們係廚房既努力同埋經營者既辛苦呀.
Post