魚塘鴨子 (Closed)

圓方 podium 食野貴夾唔飽係預左的，依間餐廳都係其中之一。17x 蚊黎個 set lunch，味道一般，唔係好食到咩名，少少鹹少少辣咁，帶子都算新鮮，不過得幾粒，奉送白飯一碗，餐飲一杯，兩位朋友嗌 latte，一杯勁苦，一杯勁淡，兩杯溝勻佢就差不多。我嗌熱檸水，無 complaint。 水煮魚好食，麻辣好香，啲魚啖啖肉無骨，份量都還可以，個底有啲菜不錯，可惜奉送頭髮一條，侍應換個碗新既俾我地但食慾即時大減。小籠包正常，但好易夾穿爆汁。蝦球同帶子一樣，我食唔出佢係咩味，好似係豆板醬亂咁炒出黎既野咁。值得一提係午餐已包餐飲，問佢拎壺水得唔得，佢話得，但原來盛惠 120 蚊，唔係俾唔起，但下次可以話一話俾我地知價錢，不過，其實都無下次了。 總括黎講，唔難食，味道正常，但4個人買單 1000 蚊既 lunch，性價比不高。