柳氏家 (Closed)

當日12:00起身即打去book左14:00兩位，食限時一小時既辣炒雞午餐，lunch時間任食一個鐘比食晚餐抵好多，一小時每人HKD88加一，即係每人HKD96.8，準時去到門口冇人等位而且都有幾張吉枱，填紙簡左要咩味既炒雞同跟飯/辛辣面就入座，由朋友唔食得辣，所以簡左一隻辣椒既烤肉味炒雞跟辛辣面。 入座後第一時間去自助區拎韓食，炸物有:薯條,炸雞,炸餃子，熟食有:炒粉絲,雜菜炒牛肉,炒年糕，我每樣都拎左少少試下，凍櫃當然唔少得有泡菜同生菜，飲品櫃有各式各樣既韓國飲料，可以試哂唔同既味，仲有咖啡機，食飽禁返杯熱啡，正吖！甜品有雪糕杯同蛋糕，蜜瓜味雪糕唔錯，口感好實。 等左25分鐘炒好既烤肉味炒雞終於到啦，我食得較辣，烤肉味冇太多辣味，我覺得辣啲應該會更好味，熟食係凍既唔夠熱，熟食看似擺左好耐，炸物食落口已經係硬，食物唔熱有點失望，唔熱邊到好食架🤷🏻‍♂️食少少就好濟，整體黎講炒雞味道係OK，熟食就真係好一般。