嘉頓餐廳 (Under Renovation)

成日經過嘉頓，但唔知原來上面有餐廳，今次係朋友話我知，我先知。我地兩個月星期日十二點左右，係下面reception 問有無位，好彩有位唔使等，即時可以上去。入到去，環境都幾好，幾乾淨。白色的枱布，一排刀叉匙。一打開menu，都幾多野食選擇，但價錢都唔平，一個行政套餐都要百零二百蚊，而且呢度都幾多規矩，著拖鞋係唔俾入的！我地order 左2個常餐，一個豬扒意粉和一個龍脷柳薯菜常餐，兩個加埋170幾蚊，唔係平，常餐有湯、餐包、主菜、甜品、飲品，果日中湯係霸王花湯，西湯係羅宋湯，湯都幾好飲，但豬扒意粉同龍脷柳都麻麻地，甜品係綠色jelly，好普通。如果大家只係想試一下，我個人覺黎食下午茶會抵d，始終呢個係食氣氛環境，唔好對d食物有太大期望。