Mee...lemongrass (彩園廣場) (Closed)

外賣午市套餐，今次試招牌無骨海南雞飯$68另加$18飲草莓芝芝冰茶👇🏽跟例湯有兩款醬汁（豉油和泰式醬）個湯雖然無湯料，但味道唔差。海南雞數量都算幾多，全部都無食到骨，口感唔係超滑，但都唔會鞋口，味道一般，唔算好特別。配有酸菜、菜心、一塊青瓜和半粒車厘茄，飯盒嚟講，蔬菜方便算多。油飯唔係好香雞油味，有點硬，不是太喜歡🙃加錢杯草莓芝芝冰茶好大杯，白色個層是芝士奶蓋，草莓冰味道普通。整體來說，午市套餐價錢唔平，味道一般唔特別，試過一次就夠。