Video
Read full review
2022-06-28
868 views
難得見到上水有間日式拉麵店有咁多人讚好，心郁郁想去試😆。餐廳唔易搵，睇地址以為門口係大街，點知原來係巷仔度😮。去到果陣見到係露天座位，夜晚氣溫都有近30度，真心有點卻步….😥好彩職員表示樓上有冷氣座位，我地先即刻落柯打。辛辣味DX $85友人平時食拉麵都會揀辣味，貪佢惹味之餘，味道唔會單調。不過呢度個辣面真係麻麻地，完全唔日式，而且一D都唔香，得個辣字，無層次。唔推薦。醬油味DX $85呢個反而有驚喜，本身以為會好鹹，但飲落鹹度啱啱好之餘，又有鰹魚味，比上面個辣湯更有層次。另外，呢度嘅湯底稀身D、面頭層油薄身D，所以油膩感無咁重，不過湯汁無咁掛面。拉面得一款，無得揀軟硬、粗幼，統一用幼麵。面質軟硬適中，但本人偏向食硬少少嘅拉面。DX拉麵有2隻溏心蛋，呢個幾好味，蛋黃係好深嘅橙色，有蛋香，細嘗之下食得出有少少醬油味😋。叉燒有4薄片，有火炙嘅香，亦有豬肉味，肥瘦適中，不過略嫌切得太薄，失去左口感，我寧願佢用2厚片取代4薄片🤔。另外仲有少量芽菜同筍條，平時麻麻地筍嘅我，幾欣賞呢度嘅筍，因為筍臭味好淡。個人感覺，試過一次就夠。
辛辣味DX $85
$85
26 views
0 likes
0 comments
友人平時食拉麵都會揀辣味，貪佢惹味之餘，味道唔會單調。不過呢度個辣面真係麻麻地，完全唔日式，而且一D都唔香，得個辣字，無層次。唔推薦。
醬油味DX $85
$85
21 views
0 likes
0 comments
呢個反而有驚喜，本身以為會好鹹，但飲落鹹度啱啱好之餘，又有鰹魚味，比上面個辣湯更有層次。
另外，呢度嘅湯底稀身D、面頭層油薄身D，所以油膩感無咁重，不過湯汁無咁掛面。
拉面得一款，無得揀軟硬、粗幼，統一用幼麵。面質軟硬適中，但本人偏向食硬少少嘅拉面。
DX拉麵有2隻溏心蛋，呢個幾好味，蛋黃係好深嘅橙色，有蛋香，細嘗之下食得出有少少醬油味😋。
$85
10 views
0 likes
0 comments
叉燒有4薄片，有火炙嘅香，亦有豬肉味，肥瘦適中，不過略嫌切得太薄，失去左口感，我寧願佢用2厚片取代4薄片🤔。
另外仲有少量芽菜同筍條，平時麻麻地筍嘅我，幾欣賞呢度嘅筍，因為筍臭味好淡。
個人感覺，試過一次就夠。
Post
