印度遊樂會

Open Now

Now Closed

每一次嚟都係食印度餐，既然叫得印度遊樂會，明白呢度嘅印度餐應該都係數一數二，不過我朋友強烈推介呢度嘅中菜都係一流。不過今日冇乜胃口食咁多嘢，所以就叫咗碗牛腩麵。估唔到有超大驚喜驚喜呀。碗麵上到嚟，啲牛肉多到誇張，而且完全唔求其，係水準之作。果然係私人會所。而且個價錢完全唔貴。食麵當然首先要試一試個湯底，好香花椒八角味，再試一試啲牛腩，估唔到除咗連普通牛腩之外，碗麵入邊有牛腩，亦都有牛筋，牛筋完全入味，咬落去香淋軟糯，非常好食，唔知道有冇得就咁叫牛筋面，最驚喜係依碗面只係$45，果然係好大驚喜，朋友冇介紹錯。