廢茶 (京瑞廣場2期)

Open Now

Now Closed

廢茶 · 石門分店 去開個頭食野，見到啲樹懶好得意，停低咗買杯嘢飲先！費事諗奶茶 🧋 $30啱晒最懶嘅我🥹 其實每次去諗要食咩都覺得好煩，見到呢個名真係啱晒我。茶葉沖出嚟嘅茶味🍵，鮮奶都有啲態度，整體奶茶沖出嚟味道啱啱好唔算好甜，有珍珠同埋仙草！珍珠都幾Q彈，仙草就正常味道。黑糖薑母茶加桂花珍珠 $25朋友M痛，所以佢就話要飲呢啲比較養生嘅系列。黑糖味都唔太甜，加$6就可以加桂花珍珠，有淡淡的桂花味，同埋QQ嘅珍珠。紅豆雞蛋布丁 🍮$15既然佢唔食得凍嘅，我自己食啦！因為獨食難肥。個布甸好多紅豆喺上面，食落去好豐厚嘅感覺，甜甜地，雞蛋布甸香同埋奶滑嘅感覺。食完之後都幾滿足。