火五越式牛肉粉專門店 (清風街) (Closed)

好耐冇食越南野，行過見到呢間「火五越式牛肉粉專門店」，就食指大動，拜會一下先。越式魚翅花膠雞湯河$59都好多料，雞肉味是白勺果種感覺，花膠好淋，魚翅好香同埋食落好濃魚翅味，正啊！手作炸軟殼蟹米紙卷$76軟殼蟹好脆，點左酸汁食好開胃，有8件架，份量好足。火五炭燒鰻魚飯$58鰻魚大大件，鰻魚汁味道好好，有三種配菜，酸酸甜甜，各樣都好好食😋飲品 $8菜蜜，好味😋奶茶，好香濃，不比茶餐廳差，愛奶茶既你可以一試。