無肉食 (德興街) (Closed)

朋友心血來潮，話要去冇肉食試吓食下齋，一直都係食肉獸嘅我，都要放低一啲心理包袱。但係睇到OpenRice啲相，覺得選擇都幾多，所以都係去試吓個自助午餐。係好熱嘅一日，所以去到都係食好多涼嘅食物，例如凍蓮藕，沙律，雲耳，冷麵等等，再加上一杯羅漢果水，解下渴。當然都會試吓佢哋嘅炸物，春卷，腐皮卷，炸豆腐，都好好食。我好意外我唔太抗拒一啲齋菜，食咗好多菇類嘅食物，其實本身我都好鍾意嘅。最後我飲咗碗紅豆沙再加一碗涼粉作為甜品，好飽好滿足， $80嘅自助餐其實都幾抵食。