阿堂魚湯 (Closed)

早幾日放工同朋友一齊黎食，咁我就叫左個象拔蚌魚湯烏冬，我朋友就叫左個三文魚蟹籽丼飯。另外再叫左小食，有吉列炸豬扒同埋炸蠔。 魚湯幾好味，魚味係好濃，無味精，烏冬係稻庭烏冬，有咬口，而且份量都幾多。 壽司飯係有驚喜，以為一碗68蚊既壽司飯份量唔多，但點知係多到嚇親我地，有五大片三文魚，飯量多，非常抵食，而且刺身都幾新鮮。 小食方面，炸物唔錯，唔油，豬扒好脆！而且每一碟都有沙律菜，都感覺幾健康。炸蠔香口 食物份量都算大份，埋單一百一位唔算貴。環境乾淨企理，總括嚟講性價比高，值得一試。