好滾得 (Closed)

所謂的雞翼「放題」， 1小時限定，自己決定去唔去食（1）每日8款雞翼，一坐底就每人每樣一隻，俾足8隻你，呢8款你想唔想食都要食左佢（2）上菜慢，坐底起碼10分鐘先有野食（3）全部人未食哂唔俾再order , order的話佢會叫你食多陣先（4）當你食哂嗰8隻無得㨂既雞翼之後，想加雞翼時佢會以不禮貌語氣叫你一定要食哂啲飯同菜，係講緊你自己另外俾10蚊加既飯同菜（並非任食），亦並唔係啲所謂任食既雞翼。就連飯菜食唔哂都要俾198蚊（落單時無講，但喺牆上有A4紙用細字寫浪費食物要俾$198），合唔合理自行決定（5）食物質素：不過不失，唔係好食，但唔可以話難食，屬於偏細隻既雞翼佢打正旗號話係雞翼放題，而放題俾人既期望係自選、自由添加食物，但實際俾客人既感覺佢唔想太想幫你加單，不自由（頭8隻巳經無得㨂）。可能係某兩個伙記問題，但總括食物質素、價錢、經驗，我就唔會再食。試唔試大家請自行判斷。