Video
Read full review
2021-01-09
1956 views
兩個星期前就開始好想食牛肉麵，好掛住台灣嘅味道，有上網睇過嗰幾間，包括段純貞牛肉麵，都有諗過去間春水堂食，但係見到呢間就決定嚟試🌝因為評價實在太好，唔似係伏🤭12:25嚟到，已經好多人排隊，果然係蘭杜街，一到lunch hour就係勁多人😂首先要上樓上cashier 拎飛，再跟住條隊喺樓梯排排企，我一個人，所以都唔算等得耐，大概等咗半個鐘，就有bar枱位，坐低咗之後其實有少少尷尬，因為排緊隊嘅人係可以睇住我食嘢🙃🙃呢度係scan QR code落單，所以基本上無乜野就係自己照顧自己，我叫咗紅燒半筋半肉寬麵，跟無糖紅茶，同埋加咗$32要鹽酥雞，雖然我只係一個人食，但係真係好想試吓鹽酥雞，香港好少地方處理髯鬚雞係好食，同埋可以做到台灣般嘅味道，對我黎講，旺角台灣人開嘅黃店都做唔到。試第一啖湯頭，已經知道高質，味精應該無乜，一啲都唔口渴，掛住台灣嘅你真係要黎試，你會好滿足!! 筋同肉好入味，好「淋」，寬麵係特別嘅，因為香港好少好少有。鹽酥雞佢做得非常好，唔乾都Juicy，上面放嘅蒜蓉令整體嘅味道提升咗好多，好惹味，如果你食嘅話，建議每1口都要同佢嘅蒜蓉一齊食🌝🌝簡單來講，呢一餐真係好滿足，平
12:25嚟到，已經好多人排隊，果然係蘭杜街，一到lunch hour就係勁多人😂
首先要上樓上cashier 拎飛，再跟住條隊喺樓梯排排企，我一個人，所以都唔算等得耐，大概等咗半個鐘，就有bar枱位，坐低咗之後其實有少少尷尬，因為排緊隊嘅人係可以睇住我食嘢🙃🙃
呢度係scan QR code落單，所以基本上無乜野就係自己照顧自己，我叫咗紅燒半筋半肉寬麵，跟無糖紅茶，同埋加咗$32要鹽酥雞，雖然我只係一個人食，但係真係好想試吓鹽酥雞，香港好少地方處理髯鬚雞係好食，同埋可以做到台灣般嘅味道，對我黎講，旺角台灣人開嘅黃店都做唔到。
試第一啖湯頭，已經知道高質，味精應該無乜，一啲都唔口渴，掛住台灣嘅你真係要黎試，你會好滿足!! 筋同肉好入味，好「淋」，寬麵係特別嘅，因為香港好少好少有。
紅燒半斤半肉寬麵午餐
$74
122 views
0 likes
0 comments
紅燒半筋半肉寬麵
125 views
0 likes
0 comments
鹽酥雞佢做得非常好，唔乾都Juicy，上面放嘅蒜蓉令整體嘅味道提升咗好多，好惹味，如果你食嘅話，建議每1口都要同佢嘅蒜蓉一齊食🌝🌝
鹽酥雞（跟餐）
$32
101 views
0 likes
0 comments
簡單來講，呢一餐真係好滿足，平時我食嘅份量係呢一餐嘅一半，但係佢好味到我成碗面食晒，鹽酥雞只係剩返兩三粒😂飽到夜晚冇食飯，極力推薦！
(但其實要加一我就有少少猶豫，因為自己落單，都冇水serve，基本上只係帶同埋上菜，但食物質素係好好）
Post
