必勝客

Open Now

Now Closed

先2日見到電視賣廣告 pizza hut 有新款 pizza 食，又好似好耐冇幫襯過咪去食下囉。去食之前見到報紙賣廣告話有龍蝦喎，咁咪又食下囉，終於4個人去食但只係叫左個2人餐+龍蝦。超簡單咁介紹下:香烤之星: 有雞肉、腸仔、菠蘿、桃肉、芝士，味道偏淡，一D都唔似佢 style，不過最唔鍾意嘅係個pizza 好快凍，上枱嘅時候已經唔熱。芝士焗龍蝦: 龍蝦起肉加入蘑菇粒同洋蔥粒等材料撈埋芝士同 cream 去焗，隻龍蝦都ok新鮮，但係個面焗得唔夠脆口，有少少扣分，薯條好食過麥記，脆口冇入過雪櫃，好食。不過咁細隻加埋一計要差唔多三舊水……唔多抵食。其他都係中規中矩就唔講喇。