新匯聚打冷小廚 (Closed)

食開這間小炒，嗰老闆好親切，周不時嚟傾下計吹幾句，上星期話開新店有得打冷，今晚就去試下，位置有些難找(若不是他帶路，非觀塘友未必揾到），响舊店直行（麗港城方向），去到成業工厦停車場🅿️入，靠左上小斜坡直行，望到招牌，仲要轉彎先到，但不用行樓梯，有老人家或推BB 車比較方便！新店樓底高，空間感十足，無舊嗰邊咁嘈雜，啱三五好友傾下計，多咗好多卡位，裝修簡單，多角度有電視📺，啱曬電視汁撈飯嘅我👍🏼 點了鹵水拼盤$150，碟頭大，幾抵食，豬大腸夠厚身，鵝肉香滑，好味！推介煎蠔餅，脆卜卜，蠔仔juicy! 韮菜豬紅，辣辣地，幾野味喎辣酒東風螺，連手指都吮埋正！必食潮州三寶(蜆仔肉，咸菜，花生🥜)，淨係食lee 碟嘢已扒曬碗”妹” (潮州粥)！點埋旬蝦，再嚟多碗少不了飯後甜品🍮，新店都有得送，唔太甜，送嘅都好有❤️見到隔離枱啲嘢食，好想試，下次call 多幾個friend，再嚟過！