星·韓式小館

Open Now

Now Closed

前幾日去食飯，平時去開食石頭鍋飯間餐廳突然有啲燒烤爐喺枱面，原來佢都開始搞緊韓式燒烤，個侍應又推薦我哋試下，所以我哋都試吓新野两個人叫咗雞肉豬腩肉牛肉牛舌蝦等等。雖然個燒烤爐唔係明火，但係個熱力都好夠，夾野嘅時候隻手擺耐啲都會熱到頂唔順。嘢食方面雞肉燒好耐都係好滑個皮仲好趣添，個人覺得最好食嘅係牛舌，比起出面食過嘅都好食，個牛舌完全唔韌，真係好好味。個牛小排有啲油花燒完加埋佢哋個烤肉豉油配多兩塊泡菜，味道一流！個牛肋骨原條嘅燒完都好高質素就咁點少少豉油已經好好食。