Video
Read full review
2024-10-24
154 views
見附近開左間新舖有雞煲食，一於試一試佢Qr cord落單，兩個人叫左個雞煲套餐，套餐包括半隻雞，一碟手切牛頸脊，響鈴同生菜。另外我哋食肉獸，再叫咗碟安格斯肥牛。仲有椒鹽軟殼蟹同菊花蜜。雞煲上枱等出煙開蓋滋滋聲，未食已經流口水，麻辣好惹味，辣度啱啱好，雞肉嫩滑，仲有大量洋蔥同芫荽，好得！食完雞煲就可以加湯打邊爐，牛肉上枱就睇得出好靚，雖然餐牌冇寫，食肉獸嘅我食得出套餐果碟牛頸脊都係安格斯，好有肉味。而另外叫嗰碟安格斯肥牛，應該係牛小排嚟，油脂分布平均，好香好淋好好食。放埋響鈴同生菜落去好邪惡。小食椒鹽軟殼蟹有驚喜，估唔到又整得幾好食，又唔貴。兩杯菊花蜜正常發揮，配雞煲下火最後要讚下服務唔錯，食完雞煲好多骨有主動幫我哋換碟，真係唔係間間餐廳會咁做，值得再幫襯
Qr cord落單，兩個人叫左個雞煲套餐，套餐包括半隻雞，一碟手切牛頸脊，響鈴同生菜。另外我哋食肉獸，再叫咗碟安格斯肥牛。仲有椒鹽軟殼蟹同菊花蜜。
雞煲上枱等出煙開蓋滋滋聲，未食已經流口水，麻辣好惹味，辣度啱啱好，雞肉嫩滑，仲有大量洋蔥同芫荽，好得！
食完雞煲就可以加湯打邊爐，牛肉上枱就睇得出好靚，雖然餐牌冇寫，食肉獸嘅我食得出套餐果碟牛頸脊都係安格斯，好有肉味。而另外叫嗰碟安格斯肥牛，應該係牛小排嚟，油脂分布平均，好香好淋好好食。放埋響鈴同生菜落去好邪惡。
小食椒鹽軟殼蟹有驚喜，估唔到又整得幾好食，又唔貴。兩杯菊花蜜正常發揮，配雞煲下火
最後要讚下服務唔錯，食完雞煲好多骨有主動幫我哋換碟，真係唔係間間餐廳會咁做，值得再幫襯
Post
