八月小品 (Closed)

見到屋企附近領X商場翻新後有間新派酒樓就帶阿爸阿媽走去試下，拿飛等咗十五分鐘左右就有位好似幾好彩，入到去點咗叉燒腸、棉花雞、燒賣、叉燒包、山竹牛肉、潮州粉果、豉油皇吊片炒麵⋯⋯點知一籠叉燒包得兩個，仲要細細個，粉果細粒過乒乓波，腸粉又唔淋，未計加一$68既炒麵分唔到四個茶樓碗，啲吊片就無喇，只有幾條吊絲，未食完就收野，無晒水又唔理，完全無禮貌！差差差！！啲茶杯同碗黏住啲食物碎，唔自己洗都唔知點用，又無倒洗碗水個個大碗，又唔幫客人倒個啲洗碗水，全部要自己搞。加一服務費就收，但無服務提供囉！派飛個個又俾啲過左十幾個先返黎嘅入先，無制度可言。勁差差差！呢啲質素，唔怪得知拿飛之後咁快有位。以美X大集團黎講算係超級低水準，雖然開咗先一個星期左右，但應該唔會再有下次。食野都系想舒舒服服啫，都咁難！