つけめんTETSU (Closed)

香港人對日本菜既熱情依然係如火 對拉麵當然亦都一樣 近日銅鑼灣就開左一間由日本開過黎既沾麵店 聽講係東京就已係好有人氣 我初到貴境 就緊係要叫左個招牌菜先啦 拉麵咬落我覺得都幾適中 叉燒亦好出色 如果你覺得個湯凍左 你叫可以order要一塊熱石 聽講熱石拉麵呢個發明就係佢地開始? 佢地會幫你將塊石加入湯裡面 你會立即見到你塊石一落到湯 d湯就沸騰喇 令你個湯熱返d 咁你當然唔好以為會熱到好似岩岩煮完無幾耐咁啦 呢度你仲會見到台上面有樽炸洋蔥 大家不防試一試 炸得幾香幾乾身 配合拉麵一齊食都係一個唔錯既選擇呢度我覺得比較可惜既係個溏心蛋 雖然係溏心 但我就覺得唔係好夠入味 唔知同會湯湯味濃有無關係呢 另外呢度都仲有一款水餃子 我自己就唔覺得好特別 我都仲係比較鐘意煎餃子大家可能要注意一下 麵有分大細 我叫左個細既 但因為真係太多 我無辦法食哂佢喇 希望佢地遲d可以出個份量再細小小架啦 唔想浪費食物嘛！另外其實佢比塊熱石我既時侯真係有d驚