吉野家 (Closed)

是日九點幾先搵食，唔知食咩好之際，行過吉野家見到賣告上嘅「芝士鍋」作為芝士迷點會放過呢個機會同友人入到去，我諗都唔諗已經決定要芝士鍋！而朋友就叫咗「咖哩深海魚柳+天婦羅野菜餅飯」！咖哩深海魚柳+天婦羅野菜餅飯以為好普通貨色，點知有啲驚喜！首先上碟「深海魚柳+天婦羅野菜餅」有用鐵網盛住，以快餐店黎講，呢少少誠意已經微微打動到我！再者，野菜餅炸粉唔會太多，咬落去唔會鬆晒或者油淋淋，好味深海魚柳內裡好滑，但炸嘅技巧同效果就比野菜餅遜色咖哩汁則太杰。濃芝士雞鍋至於芝士雞鍋～呢個芝士真係好邪惡係由四重芝士炮製，仲有流心芝士丸同雞脾肉，拉絲效果好正！之後就加入至愛烏冬！真係好濃好香芝士味但係食完呢個鍋會好漏好口渴，不過如果係芝士控可以一試！過過口癮