星級餐廳

Open Now

Now Closed

今日我同家姐咁啱經過一間舖頭，我哋覺得可以去試下個新嘅火鍋放題套餐。佢嘅地方非常之大，間舖嘅經理非常之熱情，服務都非常之周到，地方都非常之企理。佢會送咗一個任食嘅雞煲，我哋叫咗微辣。雖然隻雞有少少老，但裏面嘅醃料非常之入味。我哋揀咗一個豬骨濃湯湯底打邊爐，佢可以一邊打邊爐一邊食雞煲。跟住叫咗牛小排、牛板腱，我覺得牛小排係最好食嘅，入口即溶。佢嘅豚肉片係來自日本，煮完都唔會一啲老，羊肉片都非常之好食，唔會有太大嘅騷味。我哋有一個隱藏嘅食法，我哋食晒啲雞之後，將牛小排撈埋啲汁煮熟，個牛小排有雞煲嗰浸味，嗰個醬汁非常之香口。跟住有唔同嘅種類嘅菜，我哋啲菜就擺喺另外一邊嘅打邊爐煲度煮，咁樣就唔會食得太漏。同埋佢嗰間舖嘅海鮮又大隻又新鮮。我食咁多間放題，我都唔見有一間放題係有聖子，仲要係大大隻。加埋嗰個豬骨濃湯之後，我覺得個湯底飲埋好好味。我覺得佢嘅甜品非常之出色，尤其是佢哋自己整嘅窩夫，同出邊街食嘅唔一樣，個口感有啲似牛角酥酥皮。雪糕都有唔同嘅種類。外面有好多嘢都係任食，而且出面未必有。我哋會再食過！😆