東湖海鮮酒家 (Closed)

是晚無煮飯，大家去了銅鑼灣珠城果間東湖食飯。本來係想去二樓鳳城架，點知升降機門一開，落晒閘連門口都出唔到，話裝修到四月尾先重開咁話喎。好，搭多兩層升降機，去四樓食東湖囉。裝修很是堂皇，服務都唔差，找張台坐下，叫了三樣東西：馬蹄蒸啄肉餅，紅酒燴牛尾煲，紅燒豆腐斑腩煲。第一碟送來的是一碟叉燒。下??????原來是送比我地食...又幾新奇喎，送叉燒比你食...不過唔好食，我媽話d肉霉既，我都覺，但就無咩怪味既，都係蜜汁叉燒咁上下味，只係d肉質確係好霉下遮。跟住就上斑腩煲了，眼見煲內有燒肉，斑腩，豆腐，唐生菜等配料，輪流夾黎食啦...燒肉，一食就知佢唔知用咩肉，果浸濃烈既豬臊味，小弟只在澳洲買超市裡面的免治豬肉才聞過，真係唔知點解香港都會有。再食斑腩，腥的，非常腥，用雪藏貨是預左你，但都辟一辟腥味才煮丫...小弟算係食得腥既人，換著我某d友人，應該已大嘔特嘔了... 好，到豆腐，酸的...有無搞錯...再到唐生菜，無得衰喇掛???一食落去，很有趙口。趙多兩趙，以，太有趙口了，根本唔係菜來的??一睇，係一塊痴住菜身既透明膠片，我頂..........到此大家已經無乜食飯既歡樂氣氛，再上既係牛尾煲