橋底串屋

Open Now

Now Closed

好鍾意食大陸嘅燒烤，但係因為而家天氣太熱真係好唔想返係大陸食。有陣時其實我係度諗我究竟係鍾意食嗰個味道啊，定係鍾意食佢嘅氣氛。呢間橋底嘅小舖無論味道又或者氣氛同內地差唔多，但係呢度當然係比較乾淨。店舖有室內或者室外嘅地方，如果真係鍾意輕鬆嘅感覺不妨試試室外，其實感覺都係唔錯嘅，夜晚都唔會太熱。我叫咗每次都必食嘅茄子，呢度嘅茄子味道亦都少得十分之好，而且夠大條厚肉，我揀咗小辣味道就唔太辣，建議大家可以揀個中辣試試。墨魚汁香腸係我朋友話非常之好食，食落去有少少甜嘅感覺，夠香，入邊仲會有啲粒粒嘅爽口唔知係咩嚟嘅呢。我個人就好欣賞呢度嘅老闆自創嘅心，因為除咗好簡單嘅食材之外之有一啲係老闆自創出嚟嘅。就好似呢一個豆皮韭菜卷咁，出面用咗薄薄嘅豆皮包住韭菜，外面炸到金黃色，食落去非常之香口，亦都非常之夾，必食。跟住就係呢個潮州牛三寶，用上彈牙嘅烏冬， 再加埋牛肉丸，牛筋丸同埋牛肉餅三樣牛，食落去非常之脆彈牙，咬落亦多汁，最重要嘅係佢嘅口味勁似係潮州食嘅味道，食完後我都外賣左一碗剩丸回家。