Veggle Cafe (Closed)

雖然我唔係素食人, 但之前睇過一個旅遊節目介紹外國素食餐廳, 令我心思思想試下素食嘅篥魅力.  今日經開Veggle Cafe就睇睇餐牌有咩食先!! 呢度嘅選擇都幾多元化, 有Pizza, Burger, Pasta.. 睇啲相好似幾吸引就入去試試啦!每點一份餐會跟一款沙律, 望落都有6、7款可以揀, 有紅菜頭、冷麵等, 我就揀咗有芒果粒嗰款, 味道都幾fresh幾好味.  套餐仲跟有一碗貌似南瓜湯同飲品.素雞牛油果漢堡 ($95), 第一次食齋漢堡, 素雞既味道似係幾層腐皮疊埋做成豐厚口感再配埋牛油果醬, 整體味道唔係好濃郁但係幾有清新感.而薯條同平時出面食既有啲唔同, 味道帶有少少甜, 口感比較豐厚, 都幾特別.有機蕃茄乾素腸扁意粉 ($90), 意粉有唔少配料, 包括素腸、甜椒、番茄仔、沙律菜... 睇返個menu個sauce係用上香草醬、豆腐腰果汁, 整體意粉味道都幾濃味, 略為有少少油.