Video
Read full review
2013-04-13
67 views
因為一班中學同學多年已不見.故相約出來食個晚飯,聚聚舊!之前在OPEN RICE看過這間食評,有很多人給正評,朋友亦推介此韓國餐廳適合大伙人。當晚一行11人去到見到室內已經坐無虛席,幸好預先訂了檯,等了5分鐘,侍應執拾好檯後,就有禮貌的行過來邀請我們入座。坐低後,由於大家都冇咩所謂,所以等侍應推介好味的菜式,分別有烤牛肋骨,燒鯖魚,生牛肉,韓式包豬肉,泡菜餅,南瓜炆牛肋骨,泡菜炒飯etc.....先講烤牛肋骨,一如之前有人post過o既烤牛肋骨一樣,有位男侍應遞上牛肋骨後,幫我地開爐,然後就幫我地將碟牛肋骨剪開晒,再好靚咁一塊塊排好係個碟度,之後仲幫我地燒一燒,送到每人個碟上。不論呢個舉動係做作或是公1規矩,身為顧客o既我們,都不得不讚呢個係超好o既服務態度!!!!!而牛肉亦都燒得唔un,好有牛味!之後,我亦特別喜好燒鯖魚,及南瓜炆牛肋骨,鯖魚肉厚,但唔un,反而好有口感!南瓜炆牛助骨更是一絕,牛肋骨炆得好lum,好入味,每當食炆牛肋骨,牙齒根本唔需要好用力咬,牛肉已經與骨頭分開。最重要係,估唔到用南瓜炆,係出奇地夾,我本身都唔太奢望呢個菜式有幾好味,點知一試難忘!(據聞呢道菜更是招牌
之前在OPEN RICE看過這間食評,有很多人給正評,朋友亦推介此韓國餐廳適合大伙人。
當晚一行11人去到見到室內已經坐無虛席,幸好預先訂了檯,等了5分鐘,侍應執拾好檯後,就有禮貌的行過來邀請我們入座。
坐低後,由於大家都冇咩所謂,所以等侍應推介好味的菜式,分別有烤牛肋骨,燒鯖魚,生牛肉,韓式包豬肉,泡菜餅,南瓜炆牛肋骨,泡菜炒飯etc.....
先講烤牛肋骨,一如之前有人post過o既烤牛肋骨一樣,有位男侍應遞上牛肋骨後,幫我地開爐,然後就幫我地將碟牛肋骨剪開晒,再好靚咁一塊塊排好係個碟度,之後仲幫我地燒一燒,送到每人個碟上。不論呢個舉動係做作或是公1規矩,身為顧客o既我們,都不得不讚呢個係超好o既服務態度!!!!!
而牛肉亦都燒得唔un,好有牛味!
之後,我亦特別喜好燒鯖魚,及南瓜炆牛肋骨,鯖魚肉厚,但唔un,反而好有口感!
南瓜炆牛助骨更是一絕,牛肋骨炆得好lum,好入味,每當食炆牛肋骨,牙齒根本唔需要好用力咬,牛肉已經與骨頭分開。最重要係,估唔到用南瓜炆,係出奇地夾,我本身都唔太奢望呢個菜式有幾好味,點知一試難忘!
(據聞呢道菜更是招牌之作)
其他食物都屬水準之上,而且每道菜亦不需要等好耐,效率唔錯!
由8:30pm食到大約11pm,從中冇話迫著要趕客走,可以任由我地坐係度,一大班人暢談往事,果然係適合大夥人去,不亦樂乎!!
最後埋單計大約$2200,即係圍起每人都係$200度,相比起尖沙咀區其他食肆,咁好o既服務態度,好味o既美食,仲要係入選為米芝蓮餐廳,真係抵到爛!!!!!!!
Other Info. :
最後我更要點名提一提幫我地剪開肉那位侍應叫[b]charles[/b],服務態好好,有咩問題詢問佢,佢都好樂意而又詳細咁解答你,好幫得手!
(The above review is the personal opinion of a user which does not represent OpenRice's point of view.)
Post