星味天下 (Closed)

聽聞Megabox長期都係人頭湧湧，今日終於有機會去見識下喇...行到咁上下，諗住搵個地方落腳食飯，結果就決定左黎呢間。帶位既嬸嬸好奇怪，明明同佢講左我地係兩位，佢話張枱執緊叫我地等陣，但係等等下又見佢叫左另外兩個遲過我地黎既人入去...坐低左，叫左海南雞飯、喇沙同埋串燒。野食好快就拎晒黎，我試左一啖飯，不俗。但係一望碟雞，噢，好鬼細碟，同埋非常之麻麻，仲唔係好熟添。試左一啖喇沙既湯底，ｏｋ啦，但係啲河粉又似乎麻麻。串燒就令人失望，牛肉咬唔開，雞肉好鞋...算把啦，咁既價錢，咁既質素，都唔可以要求太高。最搞笑係食到最後幾啖既時候，隔離枱問侍應拎兩隻碗仔，個侍應就無啦啦派埋俾我地...