英皇紅酒扒房 (Closed)

既然秋生哥講到咁正，明星效應下去試試。餐廳內地方不大，餐枱排得密麻麻，環境非常嘈雜。我們連餐湯點咗共7個菜，上菜速度太高、太急，一下子將菜放滿一枱，冇理會張枱究竟夠唔夠放，用餐感覺太催逼。首先係「田園沙律」同「餐湯」不過不失，「蒜香法包」冇蒜味！「紐西蘭草飼牛肉眼扒」味道不錯，肉質軟，點了5成熟煎得剛好；「炸薯角」太鹹；「白汁大虎蝦海鮮焗飯」調味不錯，但略嫌飯濕咗啲；「脆皮德國鹹豬手」部分位豬皮唔夠脆、部分位置皮較乾硬，餐刀刀鋒仲鈍過我，唯有成片肉叉住咬；「忌廉煮活藍青口」雖然藍青口肉質唔Un ，但湯汁超鹹，我自己一定煮得好食過佢。