Video
Read full review
2019-08-16
102 views
上個月第一次嚟到位於白沙灣碼頭嘅食之劇場餐廳 WA-Theater Restaurant食佢嘅晚餐，實在回味無窮。對呢間餐廳念念不忘，就襯最近暑假得閒，嚟試埋佢哋嘅午餐。呢日天氣唔錯，望出去嘅境係咁架！🌤🌊因為要預備最當造嘅食材，晚餐一定要預先訂位，而早午下午茶餐都係唔需要訂位嘅，但當然如果想確保食到你想食嘅餐，訂咗位先會比較好嘅！一入到去，依舊係好舒服嘅環境、熱情嘅服務。上次坐咗房仔入面，今次就坐吧檯。同廚房近啲，同廚師亦有更多嘅交流🤓一開始，侍應會倒水落塊乾毛巾到，變成濕毛巾，等你抺下手仔，準備開餐😛又要介紹多次嘅就係嚟自清心縣嘅白神山水喇💧！呢到使用白神山水處理食材、煮食、比食客飲用。呢隻天然礦泉水不含額外嘅礦物質，所以亦都可以作為飲用水。而作為煮食材料，白神山水比起一般嘅水更加可以帶出食物嘅鮮味！唔知係咪心理作用啦，覺得特別好飲，飲完一杯又一杯🤣跟住就用餐嚕！我哋每人叫咗個午餐，分別係Lunch Set B - 銀鱈魚西京味噌燒（$320）同Lunch Set C - 鰻丼（$380）。只係主食唔同，各自都有前菜、沙律、漬物同甜品。Lunch Set #1 - 前菜日本南瓜配鰹
上個月第一次嚟到位於白沙灣碼頭嘅食之劇場餐廳 WA-Theater Restaurant食佢嘅晚餐，實在回味無窮。對呢間餐廳念念不忘，就襯最近暑假得閒，嚟試埋佢哋嘅午餐。
呢日天氣唔錯，望出去嘅境係咁架！🌤🌊因為要預備最當造嘅食材，晚餐一定要預先訂位，而早午下午茶餐都係唔需要訂位嘅，但當然如果想確保食到你想食嘅餐，訂咗位先會比較好嘅！
一入到去，依舊係好舒服嘅環境、熱情嘅服務。上次坐咗房仔入面，今次就坐吧檯。同廚房近啲，同廚師亦有更多嘅交流🤓
一開始，侍應會倒水落塊乾毛巾到，變成濕毛巾，等你抺下手仔，準備開餐😛又要介紹多次嘅就係嚟自清心縣嘅白神山水喇💧！呢到使用白神山水處理食材、煮食、比食客飲用。呢隻天然礦泉水不含額外嘅礦物質，所以亦都可以作為飲用水。而作為煮食材料，白神山水比起一般嘅水更加可以帶出食物嘅鮮味！唔知係咪心理作用啦，覺得特別好飲，飲完一杯又一杯🤣
跟住就用餐嚕！
我哋每人叫咗個午餐，分別係Lunch Set B - 銀鱈魚西京味噌燒（$320）同Lunch Set C - 鰻丼（$380）。只係主食唔同，各自都有前菜、沙律、漬物同甜品。
Lunch Set #1 - 前菜日本南瓜配鰹魚汁，口感好似栗子咁，好入味，仲配上木魚絲😋
Lunch Set #2 - 鮮蔬菜沙律蔬菜非常新鮮爽口，配上蒜香蕃茄汁，酸酸地又帶點蒜香嘅刺激，相當開胃👍
銀鱈魚西京味噌燒
$320
50 views
0 likes
0 comments
製作呢味菜前後需時四日，包括出水、用鹽、麵豉醃製，聽到個過程都覺得用心！
用嚟醃製嘅麵豉入面有五穀，所以帶有天然甜味。
魚肉實淨，油份剛好，送飯一流😛
鰻丼
$380
22 views
0 likes
0 comments
鰻魚嚟自東京灣～
採用先蒸後燒嘅方法烹調，肉質軟熟同好腍，入口即溶。
用鰻魚骨調較醬汁，鰻魚蒸燒後，反轉浸，索晒啲汁，就唔駛特別再搽或者落醬汁喇！
另配有山椒粉，可以點鰻魚食。
自家制甜品
10 views
0 likes
0 comments
呢日嘅自家制甜品係自家製嘅雪糕。
同平時嘅雪糕唔同，呢到嘅雪糕以煉奶取代牛奶同糖。聽落覺得好heavy，但其實唔會特別甜，口感就比較實同幼滑，忌廉味重啲，層次豐富。
味道好特別，好似我哋呢兩隻分別係Tiramisu味同Wasabi雲呢拿味，特別又好食！
餐廳面面俱圓，由選料、烹調、服務，以致擺碟上菜都做到一絲不苟，相當impressive。
真係好想大家都認識到呢間隱世嘅日本高級菜🥺
-
Lunch Set B - 銀鱈魚西京味噌燒（$320）
前菜
鮮蔬菜沙律
銀鱈魚西京味噌燒
白飯、味噌汁、漬物
自家制甜品
Lunch Set C - 鰻丼（$380）
前菜
鮮蔬菜沙律
鰻魚飯
味噌汁、漬物
自家制甜品
Post
