大一海鮮火鍋料理 (Closed)

之前被邀請黎到大一海鮮火鍋料理🍲🍲而家終於有時間update 下openrice acc,平時花膠雞，醉雞就食得多。金湯腿翅鍋，川芎百芷魚頭鍋配鮮雞半隻 就第一次啦腿翅鍋入面的確有一排排既翅。用料一d 都唔慳呀。腿味亦都好香濃。入面配埋既雞件都好滑。無因為跟湯而鞋晒。✨我個人就比較欣賞魚頭鍋。除左入面有原個魚頭😁佢d 藥材味亦都岩岩好。平時藥材多數都係就甘配雞。第一次打邊爐係配魚頭。呢個湯我飲左兩大碗。岩晒冬天暖暖身。大一刺身孖寶 呢個仙氣迫人既刺身拼盤👍nice.大家應該都見到好多款刺身。不過就食到唔夠喉😁新鮮本地手切肥牛 牛肉紋理幾靚。口感亦都好。不過呢個部位就無我平時鐘意食既頸抓甘有牛香。黑松露帶子餃 一煮好已經聞到勁香黑松露味。咬開仲見到好足料。滿滿松露。但就好似唔多見到帶子。另外食餃我好緊張個皮。呢個都算唔錯。但可以再薄dd... 最後加多個烏冬。。。大滿足。。。。。