Video
Read full review
2021-06-26
513 views
前菜點咗炸雞翼同cold cut。雞翼即叫即炸溫度十足亦好juicy，醃得都好入味，有少少辣十分香口，餸酒一流。Parma ham肉泛油光，新鮮度十足，廚房亦毫不吝嗇切到有幾大塊得幾大塊，連同大大嚿哈密瓜一齊食簡直係一大滿足。之後就係呢度主打之一嘅生蠔啦。我哋order咗一打Gillardeau，全部望落發育健全有波有蘿，新鮮肥美一啲都唔腥。開蠔師傅好細心保留咗蠔殼入面嘅海水，食落原汁原味。 食完第二朝啲aftertaste礦物味仲喺度。做得呢度嘅主打，水準果然有返咁上下，絕對物超所值👍話明係oyster＆grill，食完生蠔當然要試埋呢度嘅扒啦。主食嗌咗斧頭扒，驚住唔夠食再加多咗個鱈魚意粉，不過個扒嚟到就知錯了。遠處嚟緊嘅時候已經心諗咁大盤嘢唔會係我哋掛？隔離檯都望住。上到檯比過吓真係大過我塊面（雖然我個人塊面偏細，仲有鼻高高、眼大大...）。不過大份還大份，最重要都係好唔好食。斧頭扒當日叫咗五成熟但略嫌都係熟咗少少偏向七成，建議order時可以再叫生少少就perfect池。不過肉質都保持到鬆軟多汁，油脂分佈均勻，口感豐富。另有薯角做配菜，亦做得一啲都唔馬虎，食得出係熱辣辣新鮮炸起，
23 views
0 likes
0 comments
21 views
0 likes
0 comments
前菜點咗炸雞翼同cold cut。雞翼即叫即炸溫度十足亦好juicy，醃得都好入味，有少少辣十分香口，餸酒一流。Parma ham肉泛油光，新鮮度十足，廚房亦毫不吝嗇切到有幾大塊得幾大塊，連同大大嚿哈密瓜一齊食簡直係一大滿足。
20 views
0 likes
0 comments
之後就係呢度主打之一嘅生蠔啦。我哋order咗一打Gillardeau，全部望落發育健全有波有蘿，新鮮肥美一啲都唔腥。開蠔師傅好細心保留咗蠔殼入面嘅海水，食落原汁原味。 食完第二朝啲aftertaste礦物味仲喺度。做得呢度嘅主打，水準果然有返咁上下，絕對物超所值👍
17 views
0 likes
0 comments
14 views
0 likes
0 comments
話明係oyster＆grill，食完生蠔當然要試埋呢度嘅扒啦。主食嗌咗斧頭扒，驚住唔夠食再加多咗個鱈魚意粉，不過個扒嚟到就知錯了。遠處嚟緊嘅時候已經心諗咁大盤嘢唔會係我哋掛？隔離檯都望住。上到檯比過吓真係大過我塊面（雖然我個人塊面偏細，仲有鼻高高、眼大大...）。不過大份還大份，最重要都係好唔好食。斧頭扒當日叫咗五成熟但略嫌都係熟咗少少偏向七成，建議order時可以再叫生少少就perfect池。不過肉質都保持到鬆軟多汁，油脂分佈均勻，口感豐富。另有薯角做配菜，亦做得一啲都唔馬虎，食得出係熱辣辣新鮮炸起，薯味十足外脆內軟。薯角上嘅時候無調味嘅，我自己都prefer咁樣上，因為食客可以根據自己口味加鹽同胡椒或者乜都唔加。另一主菜鱈魚意粉用咗香草蘑菇忌廉做汁，食落味道夠濃郁亦唔會太漏。鱈魚扒魚皮煎到金黃色好香脆，魚肉食落仲好firm好juicy，充滿魚油香。呢度嘅意粉意粉煮得淋身少少，如果平時鍾意食開硬身啲可以落order嘅時候講埋，呢度啲staff都好nice。
當晚仲有田螺同牛肝菌忌廉湯，掛住食都唔記得影相。田螺喺一般平民西餐廳都唔係咁常見有得食，呢度做得相當唔錯。至於個湯飲落啖啖蘑菇肉，用料十足，係呢度另一誠意之作。強烈推介👍
Other Info. :
總結當晚一共食咗: 兩個前菜，一個小食，一個湯，一打生蠔，兩個主菜，埋單大約$5xx一位。其實以呢個價錢食到咁多嘢，餐廳環境又四四正正，同埋有咁高質素真係無乜嘢可以挑剔。喺大角咀鄰近都有唔少西餐廳，不過呢間新開走港式少少，主打新鮮生蠔同扒嘅餐廳係有啲驚喜。建議鍾意食西餐嘅朋友如果不妨可以試吓。
(The above review is the personal opinion of a user which does not represent OpenRice's point of view.)
Post
