Video
Read full review
2018-07-23
2069 views
知到6月呢到有抹茶主題嘅下午茶，就即訂咗今日同友人嚟試下~ 上年11月同友人一齊試咗尖沙咀 Park Café 嘅~ 訂咗位，都要準時3半才可入，不過可以攞飛先，到時就可以唔洗排隊俾飛職員可直入。場內以和風為主，簡單清潔又舒適，加埋出面少少陽光咁都幾 relaxing 架~ 不過d音樂都係輕快嘅~ 職員基本上一見到吉碟就即收~ 抹茶窩夫可加紅豆和蜜糖，唔多抹茶味，亦無廣告入面嘅抹茶粉可以加，凍咗比較韌。抹茶紅豆銅鑼燒較淡，都係無廣告入面嘅抹茶粉可以加，紅豆都唔多。有一大盤好似抹茶布丁，一個字「甜」，無抹茶味... 圖中比較有抹茶味嘅就係抹茶擂沙湯丸，同抹茶糯米糍，不過就無廣告咁講可沾上椰絲、花生米和糖。抹茶忌廉卷蛋糕內有抹茶忌廉、紅豆蓉，蛋糕太薄試唔到質感，面頭嘅抹茶粉有抹茶味。其他都係一個「甜」字。相中間嘅抹茶意式蛋糕係全部甜品之中最好味嘅，外層嘅濃朱古力脆皮加入面嘅抹茶cream超夾。 抹茶焦糖燉蛋唔係廣告咁杯裝，係一大盤，不過上面嘅焦糖就真係好味嘅，加埋生果就正~ 抹茶拿破崙扁扁的，不過就真係3層酥皮配好淡抹茶忌廉。其他兩個都係得個「甜」字......本嚟我對豆腐花無興趣，已經無
訂咗位，都要準時3半才可入，不過可以攞飛先，到時就可以唔洗排隊俾飛職員可直入。
場內以和風為主，簡單清潔又舒適，加埋出面少少陽光咁都幾 relaxing 架~ 不過d音樂都係輕快嘅~ 職員基本上一見到吉碟就即收~
抹茶窩夫可加紅豆和蜜糖，唔多抹茶味，亦無廣告入面嘅抹茶粉可以加，凍咗比較韌。抹茶紅豆銅鑼燒較淡，都係無廣告入面嘅抹茶粉可以加，紅豆都唔多。有一大盤好似抹茶布丁，一個字「甜」，無抹茶味...
圖中比較有抹茶味嘅就係抹茶擂沙湯丸，同抹茶糯米糍，不過就無廣告咁講可沾上椰絲、花生米和糖。抹茶忌廉卷蛋糕內有抹茶忌廉、紅豆蓉，蛋糕太薄試唔到質感，面頭嘅抹茶粉有抹茶味。其他都係一個「甜」字。
相中間嘅抹茶意式蛋糕係全部甜品之中最好味嘅，外層嘅濃朱古力脆皮加入面嘅抹茶cream超夾。 抹茶焦糖燉蛋唔係廣告咁杯裝，係一大盤，不過上面嘅焦糖就真係好味嘅，加埋生果就正~ 抹茶拿破崙扁扁的，不過就真係3層酥皮配好淡抹茶忌廉。其他兩個都係得個「甜」字......
本嚟我對豆腐花無興趣，已經無心機食喇... 友人攞咗碗俾我試，點知有驚喜喎！陣陣豆香~ 應該係黑豆嘅豆腐花~ 好味喎~ 抹茶木糠蛋糕有餅碎、抹茶忌廉，不過無抹茶味，太膩。其他都係得個「甜」字。
每人包1杯免費飲品，我點凍檸茶，友人點凍檸蜜。凍檸茶連一壺糖水上，凍檸蜜就連一盒仔蜜糖。正常嘢。
全場只有冷麵係咸嘅，到最後甜品已經無咩人攞，冷麵嗰到由開場到尾都仲要排隊！剛開始嗰時大家都攞碗盛麵，後嚟大家都大碟大碟咁攞d麵同餸喇！ 食一陣甜品，食一陣冷麵咁囉~ 冷麵有3種，抹茶麵，蕎麥麵，同梅子麵，不過全部都食唔到有咩味，係質感有分別。蕎麥麵有d水水地，所以少d人食。可加豉油，同麻醬。餸方面有紫菜絲，黑白芝麻，蔥，雞蛋絲，蟹柳絲，漬物。雞蛋絲同蟹柳絲喺全場入面嘅肉喇，後嚟無咗之後就有火腿絲同中華沙律，不過我已經無興趣試喇...
職員會主動講有咩優惠嘅，好細心~ 我地用HSBC有85折，之後再加番1，感覺好少少啦……
總結嚟講，唔會再嚟食抹茶 tea buffet。雖然比尖沙咀嘅 Park Café 平，但係實在又遠又唔好味又少選擇！如果只係想搵個地方坐下同朋友靜靜地吹下水，又唔介意食物質素，咁個環境同服務係好嘅。
Post
