Video
Read full review
2018-10-19
151 views
星期六朝早出去食個豐富嘅新鮮早餐啦。商場1樓新裝修，有酒樓，湯加，一開張就爆渠嘅大快活，仲有裝修中嘅KFC。成11點幾，咁快快地試個湯加早餐先。門口有人等緊，要攞飛。等咗一陣即有4人枱。早餐餐牌有兩面，都算多選擇嘅。落好單之後，會印一張俾返我地。我地點咗3個蕃茄湯火腿餐肉腸嘅餐，本嚟嘅通粉賣曬，所以兩個轉米粉，一個轉公仔麵。兩碗睇落都大碗架，有蕃茄架。腸仔係長嘅，唔係普通廚師雞肉腸，好味d嘅。餐肉同火腿都厚切，有咬口。點知第3碗轉公仔麵嘅就出事喇，無蕃茄湯嘅？同嗰個出餐嘅職員講，佢好似唔信錯嘢咁，又完全無意思攞返入去咁囉。算啦，樓面得嗰3個人，個個都忙到不得了，入返去都唔知幾時出，只好照食... ... 粉餐加5蚊轉多士做班戟，都係正常嘢，食得嘅，仲1塊班戟跟1包糖漿，夠曬甜啦。粉餐加6蚊轉多士做蔥油餅半份，都份正常嘢，唔油，食得嘅。餐飲都係正常份量，要金桔蜜都唔洗加錢。我唔食得牛奶，所以落單嘅時候問職員呢個蛋白麥皮有無奶。佢答我糖自己加... ... 咁我都試一試有冇奶啦... 食落就知無奶，不過係甜嘅... ... 又話糖自己加嘅？不過食落係正常嘢，都算啦。落單嘅時候我同咗職員講，
早餐餐牌有兩面，都算多選擇嘅。
落好單之後，會印一張俾返我地。
我地點咗3個蕃茄湯火腿餐肉腸嘅餐，本嚟嘅通粉賣曬，所以兩個轉米粉，一個轉公仔麵。兩碗睇落都大碗架，有蕃茄架。腸仔係長嘅，唔係普通廚師雞肉腸，好味d嘅。餐肉同火腿都厚切，有咬口。
點知第3碗轉公仔麵嘅就出事喇，無蕃茄湯嘅？同嗰個出餐嘅職員講，佢好似唔信錯嘢咁，又完全無意思攞返入去咁囉。算啦，樓面得嗰3個人，個個都忙到不得了，入返去都唔知幾時出，只好照食... ...
粉餐加5蚊轉多士做班戟，都係正常嘢，食得嘅，仲1塊班戟跟1包糖漿，夠曬甜啦。
粉餐加6蚊轉多士做蔥油餅半份，都份正常嘢，唔油，食得嘅。
餐飲都係正常份量，要金桔蜜都唔洗加錢。
我唔食得牛奶，所以落單嘅時候問職員呢個蛋白麥皮有無奶。佢答我糖自己加... ... 咁我都試一試有冇奶啦... 食落就知無奶，不過係甜嘅... ... 又話糖自己加嘅？不過食落係正常嘢，都算啦。
落單嘅時候我同咗職員講，多士走牛油嘅，不過... ... 係咪佢根本聽唔明我講緊d咩？雞蛋都係好味嘅。雞扒正常嘢，炸好香，算乾身唔太多油。
不過店面嘅職員真係唔夠，每張枱下面嘅櫃桶嘅餐具都無人去加番，所以我地都係自己去第2張枱睇下有冇啦。直到過曬最多人坐滿又早餐外賣多嘅時間，12點幾，終於有職員加番d餐具喇。
坐都舒服嘅，舖頭都光，而且新裝修呢。餐具都新嘅，而且設計睇落都幾歡樂。食物份量正常，質素都正常。不過落單嗰下真係要改善，服務態度都可以再好d。舖面忙到不得了，坐滿再出面有人等真係唔夠人。要夾個好時間去食。
Post
