Infinity Workshop Cafe (Closed)

約朋友 dinner，想搵個地方無咁多人，無咁嘈，唔會俾人趕走，限時XX 分鐘嗰D，於是旺角樓上 Cafe 係一個好選擇喇。呢座大廈都有好多食店，我地睇咗一輪 Openrice 嘅介紹同其他人嘅食評同相之後，決定去某某 Cafe。坐電梯上去嘅時候，到5樓嘅時候，電梯門打開咗，我同朋友都覺得呢間可以試下喎~ 不過都照坐電梯上到我地原先選嗰間望下先。電梯再去到某層，門打開，我地都無出到，望到某某食店門口之後，我地即決定去番5樓呢間試！門口光又整齊，基本要求係睇到自己食d咩先得架… 我點咗 rose latte，明知飲有奶飲品唔舒服都要試下呀。果然無令我失望，好靚呀~ 唔太甜，好香玫瑰味~ 影咗好多張相才捨得飲呀！朋友點咗 iced latte，佢都話好香，最後清曬架！我朋友好肚餓，開工做嘢連 lunch 都無時間食，所以點咗全日早餐~ 包可選牛角包或果撻，好似有幾個選擇，香腸都有好幾個選擇架！ 我朋友食足兩個鐘，慢慢食，佢話好滿足喎~ 係條黑椒腸太勁，佢支持唔到無食曬…… 我呢d要清清佢減減佢嘅就選咗呢個全日早餐嘅輕量版，啱曬我呀~ 腸仔只可以選1款，一定係果撻(都幾甜架，係果蓉)