Video
Read full review
2010-03-08
21 views
上星期五同同學吃飯, 因為有同學就0黎生BB, 所以0係佢生之前我地0黎一次gathering, 因應大肚婆要求, 去0左呢間. 格局有少少似翡翠拉麵小籠包, 心想: 希望水準唔好似佢就好了!!因為一行10人, 所以叫0左好餸. 先來前菜: 心太軟 – 即係糯米釀紅棗. 其實可以話係甜品, 但呢個菜0係上海通常都係前菜. 其實佢整算可以0架啦, 但同上海0個的仲遠. 一來, 紅棗唔夠大粒, 二來太甜, 三來 – 亦係我覺得最離譜 – 紅棗有核!! 所以有少少失望… 馬蘭頭百葉卷 – 因為個人非常愛百葉, 所以都叫埋佢. 但個樣同menu裡面張相個樣未免相差太遠了!!!! 最surprise係 – 0的馬蘭頭菜有陣腥味0既!!!OH!!! 唔得!鎮江肴肉 –睇食評個個都話好味, 咁就梗係要叫啦!!! 前菜中算做得出色的一個!! 肴肉香而不膩, 不用點醋都夠味!!正!!雞絲粉皮 – 一見到時, 以為佢落錯醬, 因為通常都係用麻醬0架嘛! 但吃落, 0的醬係有少少似乳豬醬, 但有好少少少辣, 又有少少花生香~ 幾得意喎! 但若然佢加多少少麻油就更正啦!! 因為夾粉皮時0的粉皮黐實晒, 唔怪得
格局有少少似翡翠拉麵小籠包, 心想: 希望水準唔好似佢就好了!!
因為一行10人, 所以叫0左好餸.
先來前菜:
心太軟 – 即係糯米釀紅棗. 其實可以話係甜品, 但呢個菜0係上海通常都係前菜. 其實佢整算可以0架啦, 但同上海0個的仲遠. 一來, 紅棗唔夠大粒, 二來太甜, 三來 – 亦係我覺得最離譜 – 紅棗有核!! 所以有少少失望…
馬蘭頭百葉卷 – 因為個人非常愛百葉, 所以都叫埋佢. 但個樣同menu裡面張相個樣未免相差太遠了!!!! 最surprise係 – 0的馬蘭頭菜有陣腥味0既!!!OH!!! 唔得!
鎮江肴肉 –睇食評個個都話好味, 咁就梗係要叫啦!!! 前菜中算做得出色的一個!! 肴肉香而不膩, 不用點醋都夠味!!正!!
雞絲粉皮 – 一見到時, 以為佢落錯醬, 因為通常都係用麻醬0架嘛! 但吃落, 0的醬係有少少似乳豬醬, 但有好少少少辣, 又有少少花生香~ 幾得意喎! 但若然佢加多少少麻油就更正啦!! 因為夾粉皮時0的粉皮黐實晒, 唔怪得佢俾隻叉我地, 好在有叉用!
跟住就點心類啦~~
小籠包 – 一籠有4隻, 因為人多關係, 所以叫0左3籠. 以香港0黎講, 皮算薄, 有湯0係入面, 係好味的!! 至少好過上海城隍廟間南翔小籠包!!
灌湯牛肉饀餅 – 我冇吃, 但聽同學講, 裡面0的湯俾包包吸晒, 但牛肉冇乜味… 不過都好味喎! 同埋有少少油口… 好似煎完再浸油咁…
金腿香筍酥 – 外型幾吸引, 但內涵欠奉. 裡面冇雲腿味, 有竹筍味… 一堆有菜有肉0既囉…
到主菜啦~~~
松子大黃魚 –唔知係咪太耐冇吃過, 我覺得幾好味!! 個汁調校得幾好, 唔太酸又唔太甜; 條魚難得的唔腥, 而且外脆肉軟, 魚肉好滑, 但外面脆卜卜, 所以好快就被清晒!!
黃金蝦球 – 好鬼死多蛋黃呀!!! 超正!! 但只係0的蛋黃, 個蝦… 好彈牙, 但冇蝦0既鮮味, 可以話係冇味, 係一碟用好多蛋黃炒成0既彈牙0野. 無要求的話, 其實都幾好吃0既…
炒鱔糊 – 嘩!!! 縮0左水呀? 定俾錯0野呀??咁細碟0既?不過, 係好味0既!! 做到上海0個種濃而不咸0既味道! 但… 鱔有少少腥味… 不過, 我都係要0黎夾銀絲卷, 都OK啦!!!
砂窩雲昋雞 – 見咁多人先敢叫呢個餸~ 我地要0左一隻雞0既粉量, 嘩!!! 好鬼死大煲呢~~~~ 仲要每人可以有 1-2 粒雲吞, 算係咁啦!!!
酸辣湯 – 好一個唔酸唔辣0既酸辣湯! 同碗仔翅差唔多! 一煲分9個人 (因有1個同學唔吃辣), 每人都有兩三舀吃0既… 主要都係想試0下啫…
賽螃蟹 – 都炒得幾好, 唔太油, 蛋白唔老, 加0左魚肉等白肉在內, 雖然唔正宗, 但為迎合香港人口味, 算係咁啦!!! 但係… 個蛋黃去0左邊?
雪菜肉絲炒年糕 – 我冇乜點吃過呢個菜… 不過我諗唔差啩, 唔係0的同學都唔會清得到呢~~
咸肉津白 – 我唔知係我冇知, 定係阿廚師搞錯, 佢好似唔知乜0野係咸肉, 乜0野係雲腿. 好明顯佢係一塊塊雲腿0黎, 但… 我地係要咸肉喎, 算! 最唔得係, 0的雲腿好似一切出0黎就放0係上面咁, 咸到死, 但津白又冇味喎! 如果佢想人家一啖津白一啖雲腿就早講啦!!!我真係唔識食呢…
蝦仁兩面黃 - 因為驚0的男仔唔夠飽, 所以叫多碟麵俾佢地. 當然女仔都會吃啦~~hahahaah~但係, 碟麵真係好唔得!! 激咸!!!! 而且唔夠汁, 0的麵吸唔到0的汁0既味, 變0左冇未… 差!
最後要多個甜品 – 高力杏汁 (定係叫做杏汁高力呢?), 因為太飽, 所以冇吃. 但同學話好好味, 杏汁好香, 唔甜, 0的杏汁好似軟心朱古力咁會溶, 好正(喎)!
非常豐富的一餐! 但唔係好吃的一餐… 總體評價係: 可以一試, 但一次就夠!!
Post
